ناتو مەن ۋكراينا قارا تەڭىزدەگى بىرلەسكەن اسكەري جاتتىعۋىن اياقتادى

ناتو مەن ۋكراينا بىرلەسىپ وتكىزگەن قارا تەڭىزدەگى «Sea Breeze 2021» اسكەري جاتتاعۋى سەنبى كۇنى مارەسىنە جەتتى. ەكى اپتاعا جالعاسقان جاتتىعۋدا 30 اسكەري كەمە مەن 40 ۇشاق پايدالاندى. وسىلايشا ناتو مەن ۋكراينا قورعانىس سالاسىنداعى بايلانىستى بەكەمدەگەنىن كورسەتىپ، وزدەرىنىڭ جاۋىنگەرلىك قابىلەتتەرىن ايگىلەدى.

ناتو مەن ۋكراينا اراسىنداعى كەزەكتى اسكەري وقۋ-جاتتىعۋدىڭ ماقساتى جابدىقتاردىڭ جانە قاتىسۋشى جەكە قۇرامىنىڭ جۇمىسىن ۇيلەستىرۋدى بارىنشا جاقسارتۋ بولدى.

جاتتىعۋعا قاتىسقان USS Ross ەسمينەتسنىڭ كاپيتانى، پودپولكوۆنيك د. دجون Associated Press اگەنتتىگىنە بەرگەن جاۋابىندا: «ءبىز بۇل جاتتىعۋ ارقىلى كەز كەلگەن حالىقارالىق ۇيىم مەن جەكەلەگەن ەلدەردىڭ قارا تەڭىز سەكىلدى حالىقارالىق ورتاق سۋلاردا ءوز ەگەمەندىگىن اسىرا پايدالانا المايتىنىن كورسەتكىمىز كەلدى. بۇل تەڭىز ايدىنى حالىقارالىق قاۋىمداستىققا ورتاق، ءبىز بارلىق ەلدەردىڭ حالىقارالىق تەڭىز ايدىندارىن ەركىن پايدالانا الاتىنىنا سەنىمدىمىز»، – دەگەن.

ونىڭ بۇل ءسوزى اتىن اتاپ، ءتۇسىن تۇستەمەسە دە ماسكەۋگە قاراتىلعانى ايدان انىق. دەگەنمەن، ماسكەۋ تارابى دا ءوز كەزەگىندە «Sea Breeze-2021» جاتتىعۋىنا ءجىتى نازار اۋدارىپ وتىرعانىن ءبىلدىردى. ناتو مەن ۋكراينانىڭ بىرلەسكەن جاتتىعۋىنا جاۋاپ رەتىندە رەسەي دە ەلدىڭ سولتۇستىك-باتىسى مەن قارا تەڭىزدە ءبىر ۋاقىتتا اسكەري جاتتىعۋ وتكىزدى. بۇعان قوسا قىرىم تۇبەگى ماڭىنداعى سۋ ءۇستى شەكاراسىن بۇزدى دەپ ناتو مۇشەلەرىن ايىپتاۋىن جيىلەتتى.

“The Qazaq Times”