Agressivti kettling ortasında: «Estuşi memlekettiñ» policiyası jäne Dempartiya narazılığı (fotobayan)

Qazaqstandı 30 jılday bilegen eks-prezident Nwrswltan Nazarbaevtıñ tuğan jäne osığan oray bwrınğı ataulı datası özgergen Astana küni keyingi birneşe jılda qalıptasqan ädet boyınşa oppoziciya azamattıq qoğamdı narazılıq akciyasına şaqırdı. Narazılar men arnayı jasaq birneşe ret aytısıp,  şekisken jiın radikal sipatta ötti. Nazarıñızğa jurnalist jığılıp, belsendiler jaraqattanğan-wstalğan mitingtiñ fotobayanın wsınamız.

Mausım ayınıñ ortasınan beri jwrttı jappay mitingke şaqırğan Dempartiya bastamaşıl tobınıñ jetekşisi Janbolat Mamay bastağan akciya seysenbide tüski 12.00 şamasında bastaldı. Almatı qalasındağı Baluan Şolaq atındağı sport sarayınıñ aldına kelgen belsendilerge prokuratura ökili eskertu jasap, policiya bögeuge tırıstı.

Policiya Abay-Baytwrsınov qiılısında kemi bir kvartal radius aymaqtıñ qozğalısın şektedi. Almatı qalası. 6 şilde 2021 jıl. Foto: QT / Kültegin Aspanwlı

Şeru türinde bastalğan miting şeñber auanı birde tarılıp, birde keygen kettlingke wlastı. Narazılıq mitingke jüzge tarta adam jinaldı. Redakciya tilşisiniñ esebinşe, oqiğa ornın 200-den asa arnayı jasaq äskerii, ondağan policey, 30 şaqtı «tituşka-qwlaq» jäne türli lauazımdağı ondağan basşı mamandar baqıladı.

Kedergige tap bolğan jolauşılar. Almatı qalası. 6 şilde 2021 jıl. Foto: QT / Kültegin Aspanwlı

Jol jieginde, miting ornı aumağında on-on bes policiya köligi, keminde segiz qoğamdıq kölik («AlmatıElektroTrans» JŞS avtoparkine tiesili №32 bağıttağı avtobus), avtozaktar men jedel järdem kölikteri twrdı.

Qoğamdıq köliktiñ igiligin körip, kezek-kezek boyınşa salqındatqış astında tınığıp qaytuğa arnalğan №32 bağıttağı marşrut. Almatı qalası. 6 şilde 2021 jıl. Foto: QT / Kültegin Aspanwlı

Mamay tobı «Estuşi memleket» biliginen «Qıtay ekspansiyasın» toqtatudı, beleñ alğan qımbatşılıqtı tıyudı, halıqtıñ kedeylenuine tosqauıl boludı talap etti. Dese de jinalğandar qazaqstandıqtarğa otız jılday patşa keypinde körinip kelgen eks-prezidenttiñ sayasattan qol üzuin talap etip, «Nazarbaev, ket!» dep köp wrandattı.

Ä degennen-aq Abay jäne Baytwrsınov köşeleriniñ qiılısındağı qozğalıs şektelip, mobil'di internet tolıq bwğattaldı, küzet küşeydi. Policiya jayau jürginşiler aynalıp ötuge ügittep, keybirin mäjbürlep baqtı.

Policiya men arnayı jasaq Dempartiya tobın kettling ädisimen qwrsaulağan sät. Almatı qalası. 6 şilde 2021 jıl. Foto: QT / Kültegin Aspanwlı

«Äleumettik ahual kün sanap naşarlap, azıq-tülik, halıq tirşiligine qajetti kerek-jaraq jasandı äri ädeyi qımbattatılıp; Qıtaydıñ 56 zauıtı salınıp jatqanda qalay qarap otıruğa boladı. Jemqorlıqtıñ kesirinen jüye äbden kirlep, el kedeylenip ketti. Bağa anau – aspandap baradı, bala-şağamızdıñ bolaşağı qalay bolmaq erteñ?» dep keyidi narazı äyeldiñ biri tilşige şağına.

Küştik qwrılım ökilderi men narazılar tartısı. Almatı qalası. 6 şilde 2021 jıl. Foto: QT / Kültegin Aspanwlı

Policiya qızmetkerleri narazılardıñ qolınan körneki plakattarın tartıp aluğa tırısıp tüyisip te qaldı. Abay dañğılınıñ boyımen «Ükimet otstavkağa ketsin!», «Nazarbaev, ket!» dep ayğayğa basqan toptıñ aldın arnayı jasaq bögep, birneşe qatarlıq qalıñ qorşauğa aldı.

Tartısqa tas-tüyin dayın twrğan arnayı jasaq. Almatı qalası. 6 şilde 2021 jıl. Foto: QT / Kültegin Aspanwlı

Dempartiya belsendisi öz talabın ayttı. Almatı qalası. 6 şilde 2021 jıl. Foto: QT / Kültegin Aspanwlı

«Bayqoñır» biznes ortalığınıñ mañında ortağa alğan arnayı jasaq belsendilermen birneşe ret tartısıp-jwlqılastı. Biraz uaqıt narazılar söz söylesip, pikirin bölisti. Keybiri jasaq qarata «halıq jağına şığuğa» ündep jattı.

Azamattıq belsendiligi üşin bilik tarapınan köp jazalanğan narazı almatılıq. Almatı qalası. 6 şilde 2021 jıl. Foto: QT / Kültegin Aspanwlı

Arnayı jasaq ökili juan jwdırığın Mamaydıñ iıq-qaraqwsınan tüyip qalğan körinis. Almatı qalası. 6 şilde 2021 jıl. Foto: QT / Kültegin Aspanwlı

Mamay taraptardı küş körsetpeuge şaqırıp jatır. Almatı qalası. 6 şilde 2021 jıl. Foto: QT / Kültegin Aspanwlı

Dempartiya jaqtası Arujan Düysebaeva söylep twr. Almatı qalası. 6 şilde 2021 jıl. Foto: QT / Kültegin Aspanwlı

Bwl jolı narazılar «bilik tıñşısı» atanıp ketken azamattıq kiimde bet-jüzin bürkep, är körinisti qalt jibermey beynejazbağa taspalap jüretin «tituşkalardıñ» bas kiimin tartıp alıp, topqa juıtpauğa tırıstı. Äkimdik, policiya qızmetkerlerimen ım-jımı bitpeytin, qwlaqqap pen raciyadan tınımsız aqparat almasatın olar özderin tanıstırmaydı. Tipti keybiri belsendilerdi şamdandırıp, arandatumen, sonday-aq tilşilerdiñ jwmısına kedergi jasaumen aynalısadı. Bwl birinşi jağday emes, sarapşılardıñ aytuınşa jäne praktikada körip jürgendey, 2019 jılğı «de-yure tranzitten» keyin jii qaytalanatın ädis. Arnayı jasaqtıñ qwrsauınan jurnalisterdiñ özine kirip-şığu mwñ bolğan mitingte «aqparat jinauğa» jauaptı 30 şaqtı «tıñşı jigit» eş kedergisiz kettlingti bwzıp jarıp jürdi. Äskerilerge arnalğan kondicioneri qosulı avtobustarda tınığuğa kelgende äy degen qoja bolmadı.

«Aqparat öndiruşi tıñşılar» atanıp ketken «tituşkalardıñ» basım böligi türli memlekettik-qzırlı organdarda qızmet etedi. Almatı qalası. 6 şilde 2021 jıl. Foto: QT / Kültegin Aspanwlı

Almatı qalasınıñ äkimdiginen jılına jüzdegen million teñgege memlekettik tapsırıs alatın, äkimdik mediaresursı Almaty.TV telearnası jañalıqtar ağınınan oqiğa turalı eşqanday habar bermese de, – özin osı aqparat qwralınanmın dep tanıstırğan operator miting barısın kirpik qaqpay tolıq  taspaladı.

Özin Almatı telearnasınıñ tüsirilim tobınanmın dep tanıstırğan er adam mitingti üzdiksiz tüsirdi. Almatı qalası. 6 şilde 2021 jıl. Foto: QT / Kültegin Aspanwlı

«Bärimiz de bir eldiñ adamımız. Uaqıt bärin özgertedi. Erteñ ata-anañ men wrpağıñnıñ betine qalay qaraysıñdar? Halıq qalasa, han atın soyadı degen bar. Dünie uaqıtşa, bolaşaqtı oylañdar. Bügingi toqtıq, tolımsız jalaqı men jaldamalı baspanada ne qadir bar, eger erteñ jüziñ jarıq bolmasa. Wyat boladı!», – dedi narazı er adam.

Plakat wstağan narazı. Almatı qalası. 6 şilde 2021 jıl. Foto: QT / Kültegin Aspanwlı

Narazılar men arnayı jasaq ekinşi märte şekiskende belsendiniñ biri beti bürkeuli äskeridiñ betperdesin jwlıp aldı. Aybat şegip, bılapıt söz aytqan küştik qwrılım ökilderi tistenip jauap qaytardı. Sol boyda birneşe narazınıñ jaraqat alğanı mälim boldı. Belsendiniñ biri aşuğa bulığıp sarbazdardı plakatpen soqqıladı.

Eki taraptıñ ekinşi tartısı. Almatı qalası. 6 şilde 2021 jıl. Foto: QT / Kültegin Aspanwlı

Izalanğan belsendi arnayı jasaqqa şüylikti. Almatı qalası. 6 şilde 2021 jıl. Foto: QT / Kültegin Aspanwlı

Oqiğa ornına qızmettik tapsırmamen habar taratuğa barğan The Qazaq Times tilşisi tartıs barısında qwlap, jabıq jaraqattandı. Arnayı jasaq onıñ üstindegi baspasöz kürteşesi barına qaramastan küşpen iterip jibergendikten, ayaq astındağı twraqqa arnalğan temir şektege jığılıp qwlağan. Qolındağı wyalı telefonı sındı. Qalalıq jedel järdem körsetu klinikalıq auruhanası mamandarı qoyğan diagnoz boyınşa, arqa twsınıñ tömengi jağı men jambası, sol jaq mıqın-beliniñ tini auırsınıp qalğan. Sonda pärmen berip jürgen policiya qızmetkerleri tilşiniñ arızın elemey, estise de ünsiz qaldırdı, şağımın tirkeuge qwlıqsızdıq tanıttı.

Tilşi swrağın ärdayım jüre tıñdaytın, mülde ün qatpaytın Almatı qalalıq policiya departamenti bastığınıñ orınbasarı, policiya polkovnigi Nwrlan Almasbekov. Almatı qalası. 6 şilde 2021 jıl. Foto: QT / Kültegin Aspanwlı

Belsendi Danaya Qalieva jäbir körgenin aytıp, arnayı jasaqtı jazğırıp twr. Almatı qalası. 6 şilde 2021 jıl. Foto: QT / Kültegin Aspanwlı

Jwlqılasqan taraptar. Almatı qalası. 6 şilde 2021 jıl. Foto: QT / Kültegin Aspanwlı

Kettling  qorşauında toğız sağattan asa uaqıt twrğan Dempartiya tobı keşke qaray «ozbır qısımğa» wşırağanın aytadı. Oqiğa ornındağı jurnalister Qazaqstanda «ekstremistik wyım» retinde qızmetine tıyım salınğan, Europarlament «beybit qozğalıs» dep tanığan QDT jaqtastarınıñ miting ornına ketken twsta bolğan. Abzal Dostiyarov pen Temirtas Nağimetullaev siyaqtı narazılar arnayı jasaq küş körsetip, soqqığa jıqqanın, tepkilegenin mälimdedi.

Tizesinen jaralanğan Irısbek Toqtasın jedel-järdem qızmetiniñ kömegine jügindi. Almatı qalası. 6 şilde 2021 jıl. Foto: QT / Kültegin Aspanwlı

Olarğa jedel-järdem qızmetin tuıstarı şaqırğan. Jaralanğandarğa medicinalıq alğaşqı kömek körsetildi. Jurnalisterdiñ aytuınşa, kem degende jeti belsendi zardap şekken.Sonımen qosa, Irısbek Toqtasın, Däuren Dostiyarov jäne Uälihan Swltanov wstalğanı belgili boldı.

Belgili belsendi Älimjan İzbasarov. Almatı qalası. 6 şilde 2021 jıl. Foto: QT / Kültegin Aspanwlı

Policiya osı jağdaydan keyin de üş belsendiniñ qay bölimşege jetkizilgeni jöninde aytpadı. Departament bwğan baylanıstı resmi tüsinik bermedi.

Soñğı mälimetterge qarağanda, Almatınıñ mamandandırılğan audanaralıq äkimşilik sotı on minutta «Wsaq bwzaqılıq» babı boyınşa (Äkimşilik kodekstiñ 434-bap, 1-tarmağı) wstalğan Irısbek Toqtasın Eñbekşiqazaq audanınıñ uaqıtşa qamau izolyatorına jäne Däuren Dostiyarovtı Qaskeleñdegi izolyatorğa 10 künge qamau turalı şeşim şığarğan. Tağı bir belsendi Uälihan Swltanov densaulığına baylanıstı auruhanağa tüsken.

Danaya Qalieva policiyadan tayaq jegenin, denesindegi kögergen jäne köylegindegi tepkiniñ izine şağımdandı. Almatı qalası. 6 şilde 2021 jıl. Foto: QT / Kültegin Aspanwlı

“The Qazaq Times”