Almatı qalası Medeu audandıq policiya böliminiñ aldında belsendi Baybolat Künbolatqlına bostandıq talap etip twrğan bir top adam. 24 mausım, 2021 jıl. Foto: QT Miyat Käşibay

Bügin, 24 mausımda Almatıda 50-ge tarta adam Medeu audandıq policiya böliminiñ aldına jinalıp, eki kün bwrın Qıtay konsuldığı aldında "zañsız piket wyımdastırdı" dep ayıppen 15 täulikke qamalğan belsendi Baybolat Künbolatwlın bostandıqqa şığarudı talap etti. Tüs bolmay jinalğan bir top adam ğimarat aldında talaptarın aytıp äli twr.

Jinalğandar arasında Künbolatwlınıñ tuıstarı, Qıtay konsuldığı aldında Şıñjañdağı tuıstarına araşa swrap, piket ötkizip jürgender, belcendiler bar. Olar dürkin-dürkin "Baybolatqa bostandıq, jasalmasın qastandıq!" degen wran köterdi.

Narazılardıñ aldına şıqqan policiya qızmetkerleri olarğa Künbolatwlınıñ basqa jaqta äkimşilik jazasın ötep jatqanın aytıp, talaptarınıñ "orınsız" ekenin ayttı. Prokuror kelip, jinalğandarğa eskertu. Biraq jinalğandar taraudan bas tarttı. Olar qarsılıq şarasın Künbolatwlı bostandıqqa şığarılğanşa jalğastıratındarın ayttı.

Jinalğandar "Bostandıq!" dep wrandatıp twr. Foto: QT M.Käşibay

Sol mañda oqiğanı baqılap twrğan policiya qızmetkerleri Qazaqtimes tilşisiniñ "jinalğan toptıñ talabı orındala ma?" degen swrağına naqtı jauap bergen joq.

Şıñjañdağı tuıstarın bosatudı talap etip, Qıtaydıñ Almatıdağı konsuldığı aldında 4,5 aydan astam uaqıttan beri piket ötkizip jürgender Qazaqstanda özderiniñ qudalana bastağanın aytadı. Olardıñ köbi keminde bir-eki ret äkimşilik jauapqa tartılıp, ayıppwl alıp ülgerdi.

"The Qazaq Times"