Respublika sarayındağı egu punktine vakcina aluğa kelgen twrğın. 9 säuir 2021 jıl. Almatı qalası. Foto: QT / Kültegin Aspanwlı

El astanasında «Del'ta» («Ündi») ştammına tän COVID-19 mutaciyasınıñ anıqtaluına baylanıstı Qazaqstan prem'er-ministriniñ orınbasarı Eralı Toğjanovtıñ törağalığımen ötken vedomstvoaralıq komissiyanıñ (VAK) otırısında eldiñ bas sanitar därigerine karantindik rejim boyınşa birneşe şara qabıldau wsınıldı.

Olar tömendegidey:

  • COVID-19-ğa qarsı vakcina almağan (twraqtı medicinalıq qarsı körsetilimderi bar jäne auırıp şıqqan adamdardı qospağanda) qızmet körsetu salasınıñ qızmetkerleri, iri wyımdasqan wjımdar (önerkäsiptik käsiporındar) üşin jwmısqa kiruge şekteu engizu);

  • KVI-ğa qarsı vakcina aludan bas tartatın qızmet körsetu salasınıñ, önerkäsip käsiporındarınıñ jäne özge de wyımdasqan wjımdardıñ qızmetkerleri üşin mindetti PTR-testileu talabın engizu;

  • «Ashyq» jobasına jaña käsipkerlik sub'ektilerin qosu üşin, sonday-aq joba ayasında jwmıs istep twrğan sub'ektilerdiñ jwmısın odan äri jalğastıru üşin barlıq personaldı (twraqtı medicinalıq qarsı körsetilimderi bar jäne auırıp şıqqan adamdardı qospağanda) vakcinalau qajettiligi jöninde talap engizu;

  • «Ashyq» jobasına sauda, oyın-sauıq ortalıqtarın, sauda üyleri men azıq-tüliktik emes bazarlardı qosu.

«The Qazaq Times»