ەل استاناسىندا «دەلتا» («ءۇندى») شتاممىنا ءتان COVID-19 مۋتاتسياسىنىڭ انىقتالۋىنا بايلانىستى قازاقستان پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىعىمەن وتكەن ۆەدومستۆوارالىق كوميسسيانىڭ (ۆاك) وتىرىسىندا ەلدىڭ باس سانيتار دارىگەرىنە كارانتيندىك رەجيم بويىنشا بىرنەشە شارا قابىلداۋ ۇسىنىلدى.

ولار تومەندەگىدەي:

  • COVID-19-عا قارسى ۆاكتسينا الماعان (تۇراقتى مەديتسينالىق قارسى كورسەتىلىمدەرى بار جانە اۋىرىپ شىققان ادامداردى قوسپاعاندا) قىزمەت كورسەتۋ سالاسىنىڭ قىزمەتكەرلەرى، ءىرى ۇيىمداسقان ۇجىمدار (ونەركاسىپتىك كاسىپورىندار) ءۇشىن جۇمىسقا كىرۋگە شەكتەۋ ەنگىزۋ);

  • كۆي-عا قارسى ۆاكتسينا الۋدان باس تارتاتىن قىزمەت كورسەتۋ سالاسىنىڭ، ونەركاسىپ كاسىپورىندارىنىڭ جانە وزگە دە ۇيىمداسقان ۇجىمداردىڭ قىزمەتكەرلەرى ءۇشىن مىندەتتى پتر-تەستىلەۋ تالابىن ەنگىزۋ;

  • «Ashyq» جوباسىنا جاڭا كاسىپكەرلىك سۋبەكتىلەرىن قوسۋ ءۇشىن، سونداي-اق جوبا اياسىندا جۇمىس ىستەپ تۇرعان سۋبەكتىلەردىڭ جۇمىسىن ودان ءارى جالعاستىرۋ ءۇشىن بارلىق پەرسونالدى (تۇراقتى مەديتسينالىق قارسى كورسەتىلىمدەرى بار جانە اۋىرىپ شىققان ادامداردى قوسپاعاندا) ۆاكتسينالاۋ قاجەتتىلىگى جونىندە تالاپ ەنگىزۋ;

  • «Ashyq» جوباسىنا ساۋدا، ويىن-ساۋىق ورتالىقتارىن، ساۋدا ۇيلەرى مەن ازىق-تۇلىكتىك ەمەس بازارلاردى قوسۋ.

«The Qazaq Times»