Bügin, 14 mausımda Almatı qalası Äuezov audandıq №2 sotında"Nwr Otan" partiyası törağasınıñ birinşi orınbasarı Bauırjan Baybektiñ oppoziciya belsendisi Janbolat Mamay men onıñ äyeli Inga Imanbaydıñ üstinen tüsirgen şağımı boyınşa negizgi sot procesi bastaldı.

Mamaydıñ advokatı "şağım beruşi jaqqa jaqtastı" dep mälimdep, sud'yanı auıstıru turalı ötiniş jasadı. Bwğan qosa, ayıptaluşı tarap – Mamay men onıñ advokatı Erlan Qaliev Almatı qalası koronavirus boyınşa "jasıl aymaqqa" ötkendikten sottı oflayn rejimde ötkizudi wsındı.  Sonday-aq Mamay men Imanbaydıñ qorğauşıları sotqa Bauırjan Baybektiñ tuıstarın kuäger retinde şaqırudı swradı. Olardıñ tüsindiruinşe, "iske qatısı bar qwjattarda Baybektiñ äkesi, qarındası, äyeliniñ tuıstarınıñ atı ataladı".

"Jäne Baybektiñ özi de proceske kelui tiis. Sebebi, bastı jauapker – sol. Onıñ advokatı Almatı qalasınıñ äkimi bolğan joq" dedi Janbolat Mamay.

Al sud'ya Rayhan Sartaeva bwl ötinişterdiñ eşqaysısın qanağattandırğan joq.

"The Qazaq Times"