AQŞ prezidenti Donal'd Tramp. Foto: National Review

AQŞ ükimeti älemdi dürliktirip, «äne attı, mine atatın boldı» dep daurıqqan Soltüstik Koreyanıñ altınşı retki yadrolıq sınağı, Pentagon boljağan uaqıtta bolmay qaldı. Alayda, Soltüstik Koreya mäselesinde Tramp ükimeti Oñtüstik Koreya men Qıtayğa qarata qısımın odan arı arttırıp otır. Aq üy Soltüstik Koreya qauipi jaña deñgeyge jetti, biz oğan qarsı twru üşin de tıñ közqaras ornatuımız kerek degen jaña wran köterdi.

Uaşington tarabı Sol.Koreya mäselesinde älemdik äskeri äreketterden basqa jolmen şeşudi Qıtay biliginiñ moynına artıp otır. Maqsat – Korey tübegi mäselesin şeşude Qıtay salmağın arttıru dep körsetti. Onıñ tağı bir mäni Korey tübegindegi tuıluı mümkin soğıstıñ tarihi jauapkerşiligin bölisu.

Aq üy Wlttıq qauipsizdik keñesşisi H.R. McMaster «ABC News» arnasınıñ «Osı apta» (This Week) bağdarlamasında atalğan mäsele turalı öz közqarasın bildirdi. Onıñ oyınşa AQŞ ükimeti men onıñ öñirdegi odaqtastarı (bwrınğı Oñ.Koreya, Japoniya, keyingi kezde ortaqtasuğa ilanğan Qıtay) üşin, tübek jağdayı qıl üstinde twr deuge boladı. «Anığın aytu kerek, qazir taraptar äskeri is-qimıldan özge qanday da bir önimdi şeşu jolı tabıla qalsa, quana kelisim bergeli twr», – deydi Aq üy keñesşisi,

AQŞ pen Sol.Koreya arasında qarulı küşpen jauaptasuğa az-aq qalğan da, Aq üy joğarı lauazımdıları kenetten bosay qaldı. Bwl olardıñ jeksenbi küni jariyalağan pikirlerinen bayqaldı. Mısal retinde AQŞ prezidentiniñ ötken aptadağı sözderin aluğa boladı. Aptanıñ bas şeninde: «Eger Qıtay Sol.Koreya isinde qoldauşılıq tanıtpasa, onda AQŞ qarulı küş qoldanatın boladı», – dep aybarlanğan Tramp, jeksenbi küni Twitter paraqşasına: «AQŞ äli de bolsa sabırlıqpen kütuge bar», – dep jazğan bolatın.

“The Qazaq Times”