Auğanstanda mindet ötkegen britaniyalıq jauıngerler. Foto; BBC.

Auğanstannan şeginip jatqan Britaniyanıñ qarulı küşteri özderine qızmet etken auğanstandıqtardı alıp ketpek. Britan qarulı küşteri men ükimetine qızmet etken 3 mıñğa juıq auğan azamatın ıqşam jäne jedel türde köşirip alu planı jariyalandı. Qazirge 1300 adamnıñ mäselesi qaralıp şeşim tapqanı belgili boldı.

Britaniyağa qızmet etken auğanstandıqtar britandıq qarulı küşter elden şeginip ketkennen keyin tälipterdiñ nemese eldegi özge terrorlıq toptardıñ şabuıl qaupinde qaluı mümkin degen alañdauşılıq osı şeşimge sebep bolğan. qorğanıs ministri Ben Uolles bwl şeşimdi tez arada orındau «birden bir dwrıs şeşim» ekenin aytqan.

Bwğan deyin qarulı küşpen birge köşirip äketuge layıq delingen auğanstandıqtardı qatañ talaptarmen tañdap alınğan. Onda Britaniya qarulı küşterine nemese ükimetine qızmet etken uaqıtına, täjiribesine nemese özge de şarttarğa layıq tañdalatın. Alayda, şeteldik qarulı küşterdiñ şeginip ketui olarğa qızmet etken kez-kelgen auğanstandıq üşin qauiptiñ bastaluımen birdey bolğandıqtan, Britan biligi jaña sayasat jariyalap, 3000-ğa juıq auğanstandıqtı özderimen birge alıp ketu şeşimin şığardı.

Şın mänisinde, Auğanstanda soñğı 20 jılda şeteldik ükimet pen äskerge audarmaşı nemese jol bastauşı, özge de qızmetker bolğan jergilikti adamdarğa ärdayım qauip tönip keldi. Britaniya ükimeti özderine qızmet etken auğanstandıqtardı qauip ortasına qaldırıp ketpeu eldiñ soñğı «moral'dik mindeti» degen qorıtındığa kelgen.

“The Qazaq Times”