Almatıdağı aşarşılıq qwrbandarına qoyılğan eskertkiş

31 mamır - Qazaqstanda 20-ğasırdıñ 20-50-jıldarındağı jappay sayasi quğın-sürgin qwrbandarın eske alu küni. Stalindik quğın-sürginge zertteuşiler sayasi repressiyanı, aşarşılıqtı, halıqtar deportaciyasın jatqızadı. Bwl oqiğalardan 4 millionday Qazaqstan azamatı zardap kördi.

1920-30-jıldardağı aşarşılıqtan türli derek boyınşa qazaq halqınıñ jartısına juığı qırıldı. Tek Qazaqstanda 20 mıñnan astam adam türmege qamau, atu siyaqtı qatal jazağa kesildi. Osı jıldarı nemister men şeşender, Qırım tartarları jäne basqa wlttar Qazaqstanğa jappay jer audarıldı.

Qazaqstanda 1993 jılı säuirde "Jappay sayasi quğın-sürginder qwrbandarın aqtau turalı" zañ qabıldanğan. Sodan beri elde stalindik repressiyanda atılğandardı, qudalanğandardı aqtau procesin jürgizip jatır. 1997 jıldan beri 31 mamır elde "quğın-sürgin qwrbandarın eske alu küni" retinde atalıp ötiledi.

"The Qazaq Times"