Kim Çen In. Foto https://zrpress

Qazaqstan Oñtüstik jäne Soltüstik Koreya arasındağı kelissözderge kömektesui mümkin.

Osı aptada Seulde ornalasqan «Asan» sayasi zertteuler institutınıñ direktorı Han Sın Dju Qazaqstan Sırtqı ister ministrligi janındağı Sırtqı sayasattı zertteu institutımen ıntımaqtastıq turalı memorandumğa qol qoydı. Resmi ökildiñ aytuınşa, Koreyanı Qazaqstannıñ yadrolıq qarudan bas tartudağı biregey täjiribesi qızıqtıradı.

Oñtüstik Koreyadağı sayasi zertteuler institutınıñ direktorı Han Sın Dju: «YAdrolıq qaruğa ielik etken jäne öz erkimen odan bas tartqan elder öte az. Qazaqstanda osınday täjiribe bar jäne ol ülgi bolıp tabıladı. Soltüstik Koreya yadrolıq qarudan arılğısı kelmeytinin körsetip otır. Biz tikeley kelissözder jürgizip, Soltüstik Koreyanı yadrolıq qarudan bas tartuğa sendiru üşin halıqaralıq wyımdardıñ nemese Qazaqstan sekildi elderiniñ kömegi qajet. Meniñ oyımşa, biz Soltüstik Koreyanı qarusızdandıru qarulı qaqtığıssız ötui kerek. Sondıqtan Qazaqstan men Koreya arasında jasalğan memorandumnıñ mañızı öte zor», – deydi.

Bıltır qañtarda Soltüstik Koreya basşısı Kim Çen In yadrolıq qaru men qwrlıqaralıq ballistikalıq zımıran sınağın ötkizuge jariyalanğan moratoriy ayaqtalğanı turalı mälimdedi. Bwğan qosa ol jaqın bolaşaqta strategiyalıq qarudıñ jaña türin körsetuge uäde etken.

KHDR-diñ ballistikalıq zımıran wşıruın halıqaralıq wyımdar ayıptap keledi. 2017 jılı Qazaqstan da bwl mäselede öz wstanımın bildirgen. Al AQŞ-tıñ talaptarına Kim Çen In Aq üydi Phen'yanğa «gangsterlerşe talap qoydı» jäne Oñtüstik Koreyamen birlesken äskeri jattığu ötkizip, «dwşpandıq piğıl tanıtıp otır» dedi.

"The Qazaq Times"