Q.Äbişev. Foto: kaztag.kz

"Policiya talabın orındamadı" degen ayıppen 15 kün äkimşilik qamauğa alınğan Pavlodar oblısı mäslihatınıñ deputatı Qayrat Äbişev "Nwr Otannan" şığarıldı. Bwl turalı QazTAG agenttigi habarladı.

Agenttiktiñ jazuınşa, 26 mamırda "Nwr Otan" partiyasınıñ sayasi keñesiniñ kezekten tıs otırısı ötip, Qayrat Äbişevti partiyadan şığaru turalı şeşim qabıldanğan.

"Jergilikti memlekettik basqaru men özin-özi basqaru turalı" zañnıñ 20-bap 3-tarmağınıñ 3-1 böligine säykes, deputattıq ökileti kezekten tıs toqtatıladı" dedi baspasöz qızmeti.

42 jastağı deputat, käsipker Qayrat Äbişev 25 mamırda "policiya talabın orındamağanı üşin" 15 kün äkimşilik qamauğa alınğan. Sot bwğan qosa, onı 8 jıl kölik aydau qwqığınan ayırğan. Aqparatqa qarağanda, policeyler toqtatqan kezde odan işimdiktiñ iisi qattı sezilip twrğan. İşimdik işkenin-işpegenin anıqtau üşin arnayı ortalıqqa jibergen kezde deputat bwl talaptı orındamağan.

Sot kezinde ol öttegi tastı eritetin spirt qosılğan twnba işkenin aytıp, tağılğan ayıptardı moyındamağan.

Qayrat Äbişev 2016 jılı naurız ayında Pavlodar oblısınıñ 6 şaqırılım deputattarınıñ qwramına kirgen. Biıl da mäslihat qwramına ötken.

"The Qazaq Times"