"پوليتسيا تالابىن ورىندامادى" دەگەن ايىپپەن 15 كۇن اكىمشىلىك قاماۋعا الىنعان پاۆلودار وبلىسى ءماسليحاتىنىڭ دەپۋتاتى قايرات ابىشەۆ "نۇر وتاننان" شىعارىلدى. بۇل تۋرالى قازتاگ اگەنتتىگى حابارلادى.
اگەنتتىكتىڭ جازۋىنشا، 26 مامىردا "نۇر وتان" پارتياسىنىڭ ساياسي كەڭەسىنىڭ كەزەكتەن تىس وتىرىسى ءوتىپ، قايرات ابىشەۆتى پارتيادان شىعارۋ تۋرالى شەشىم قابىلدانعان.
"جەرگىلىكتى مەملەكەتتىك باسقارۋ مەن ءوزىن-ءوزى باسقارۋ تۋرالى" زاڭنىڭ 20-باپ 3-تارماعىنىڭ 3-1 بولىگىنە سايكەس، دەپۋتاتتىق وكىلەتى كەزەكتەن تىس توقتاتىلادى" دەدى ءباسپاسوز قىزمەتى.
42 جاستاعى دەپۋتات، كاسىپكەر قايرات ابىشەۆ 25 مامىردا "پوليتسيا تالابىن ورىنداماعانى ءۇشىن" 15 كۇن اكىمشىلىك قاماۋعا الىنعان. سوت بۇعان قوسا، ونى 8 جىل كولىك ايداۋ قۇقىعىنان ايىرعان. اقپاراتقا قاراعاندا، پوليتسەيلەر توقتاتقان كەزدە ودان ىشىمدىكتىڭ ءيىسى قاتتى سەزىلىپ تۇرعان. ىشىمدىك ىشكەنىن-ىشپەگەنىن انىقتاۋ ءۇشىن ارنايى ورتالىققا جىبەرگەن كەزدە دەپۋتات بۇل تالاپتى ورىنداماعان.
سوت كەزىندە ول وتتەگى تاستى ەرىتەتىن سپيرت قوسىلعان تۇنبا ىشكەنىن ايتىپ، تاعىلعان ايىپتاردى مويىنداماعان.
قايرات ابىشەۆ 2016 جىلى ناۋرىز ايىندا پاۆلودار وبلىسىنىڭ 6 شاقىرىلىم دەپۋتاتتارىنىڭ قۇرامىنا كىرگەن. بيىل دا ءماسليحات قۇرامىنا وتكەن.
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟