Japarov pen Putinnıñ ekinşi märte kezdesui. Foto: KTR.

Qırğızstan prezidenti Sadır Japarov Mäskeu saparı kezinde täjik ortasındağı şekara mäselesin şeşudi bastı kün tärtipke qoyatını belgili bolğan edi. Resey prezidenti Vladimir Putinmen kezdesu kezinde de bwl mäsele bastı taqırıp boldı.

Bwnımen Japarov Putinge ekinşi märte kezdesip otır. Anığında Qırğızstan men Täjikstan arasındağı şekara janjalınan keyin Putin eki el basşısın jeke-jeke şaqırıp talqıladı.

Jabıq otırıstarda qanday dialogtardıñ bolğanı beymälim, degenmen aqparat qwraldarına aşıq kezdesude Resey prezidenti Orta Aziyadağı eki körşiles eldiñ ortasındağı qayşılıqtı retke keltiru üşin qoldan kelgen şaranıñ bärin jasaytının, qırğız-täjik ortasında wzaq merzimdi äri qos taraptıñ müddesi teñ qamtılğan kelisim jasasuğa tırısatının jetkizdi.

Japarov saparında ekonomikalıq integraciya mäselesi basım bağıttay köringenimen, qatıstı elderdiñ aqparat qwraldarı üşin Qırğızstan men Täjikstan arasındağı şekara janjalına qatıstı Mäskeudiñ wstanım, mämilesi köbirek qızı boldı.

Täuelsiz sarapşılar, Mäskeu eki el liderlerimen jeke-jeke söylesu arqılı öñirdegi öz ıqpalın saqtap qaluğa, tipti aymaqtağı baqılau mümkindigin tipti de küşeytuge tırısıp jatır dep sanaydı. Ortalıq Aziya Reseymen birqatar iri derjavalardı jäne belsendi geosayasi aymaqtardı twtastıratındıqtan Mäskeu bwl öñirdegi qanday da bir jağdayğa bey-jay qarap otıra almaydı dep sanaydı ekspertter.

“The Qazaq Times”