Lağman provinciyasınıñ ortalığı mañında tälipterdiñ şabulıı jiiledi. Foto: VOA.

Jeksenbi küni Auğanstan biligi arnayı mälimdeme taratıp, AQŞ bastağan şetel küşteri elden şığıp jatqan twtsa wlttıq qauipsizdik küşteri men "Taliban" wyımı ortasında küşti qarulı tires bolıp jatqanın jetkizdi. Mälimette aytıluınşa, ükimetke qarastı küşter eldiñ şığıs provinciyalarınıñ ortalıqtarın tälipterden qorğau üşin şayqasıp jatır. 

Ükimet mälimdemesinen säl ğana bwrın "Taliban" qarulı toptarı Auğanstan şığısındağı Lağman provinciyasındağı mañızdı qorğanıs beketterin basıp alıp, provinciya ortalığı Mehtalamğa jaqındağan. Bwğan deyin olar atalğan provinciyadağı strategiyalıq mañızdı orındardı basıp alıp, Mehtalamğa şabuıl jasauğa mümkindik aşqın bolatın.

AQŞ Qorğanıs ministrligi jeksenbi küni keşke Auğanstan armiyasınıñ bas qolbasşısı Mwhammed YAsin Ziya basqa qauipsizdik organdarınıñ joğarı lauazımdı adamdarımen birge Lağmanğa kelip, Talibanğa qarsı operaciyanı basqarğanın rastadı.

Jergilikti aqparat közderiniñ taratqan mälimetine säykes, Mehtaramnıñ qalasınıñ keybir aumaqtarın da, äsirese ondağı türmege jaqın jerlerde tälipter men qauipsizdik küşteri arasında swrapıl şayqastar bolğan. Bwğan qarap tälipter provinciyadağı eñ ülken türmeni basıp aludı közdegen boluı mümkin degen boljamdar aytıluda. Alayda, ölim-jitim jäne özge de şığındar turalı tolıq mälimet joq.

Auğanstandıq BAQ-ta soltüstik Bağlan provinciyası men onıñ ortalığı Pulkumridiñ aynalasındağı  audandarda qiyan-keski şayqastar jürip jatqanın aytılıp jatır.

“The Qazaq Times”