اقش اسكەرلەرى شەگىنىپ جاتقان تۇستا اۋعانستاننىڭ سولتۇستىگى مەن شىعىسىندا سۇراپىل شايقاستار بولۋدا

جەكسەنبى كۇنى اۋعانستان بيلىگى ارنايى مالىمدەمە تاراتىپ، اقش باستاعان شەتەل كۇشتەرى ەلدەن شىعىپ جاتقان تۇتسا ۇلتتىق قاۋىپسىزدىك كۇشتەرى مەن "تاليبان" ۇيىمى ورتاسىندا كۇشتى قارۋلى تىرەس بولىپ جاتقانىن جەتكىزدى. مالىمەتتە ايتىلۋىنشا، ۇكىمەتكە قاراستى كۇشتەر ەلدىڭ شىعىس پروۆينتسيالارىنىڭ ورتالىقتارىن تالىپتەردەن قورعاۋ ءۇشىن شايقاسىپ جاتىر. 

ۇكىمەت مالىمدەمەسىنەن ءسال عانا بۇرىن "تاليبان" قارۋلى توپتارى اۋعانستان شىعىسىنداعى لاعمان پروۆينتسياسىنداعى ماڭىزدى قورعانىس بەكەتتەرىن باسىپ الىپ، پروۆينتسيا ورتالىعى مەحتالامعا جاقىنداعان. بۇعان دەيىن ولار اتالعان پروۆينتسياداعى ستراتەگيالىق ماڭىزدى ورىنداردى باسىپ الىپ، مەحتالامعا شابۋىل جاساۋعا مۇمكىندىك اشقىن بولاتىن.

اقش قورعانىس مينيسترلىگى جەكسەنبى كۇنى كەشكە اۋعانستان ارمياسىنىڭ باس قولباسشىسى مۇحاممەد ياسين زيا باسقا قاۋىپسىزدىك ورگاندارىنىڭ جوعارى لاۋازىمدى ادامدارىمەن بىرگە لاعمانعا كەلىپ، تاليبانعا قارسى وپەراتسيانى باسقارعانىن راستادى.

جەرگىلىكتى اقپارات كوزدەرىنىڭ تاراتقان مالىمەتىنە سايكەس، مەحتارامنىڭ قالاسىنىڭ كەيبىر اۋماقتارىن دا، اسىرەسە ونداعى تۇرمەگە جاقىن جەرلەردە تالىپتەر مەن قاۋىپسىزدىك كۇشتەرى اراسىندا سۇراپىل شايقاستار بولعان. بۇعان قاراپ تالىپتەر پروۆينتسياداعى ەڭ ۇلكەن تۇرمەنى باسىپ الۋدى كوزدەگەن بولۋى مۇمكىن دەگەن بولجامدار ايتىلۋدا. الايدا، ءولىم-ءجىتىم جانە وزگە دە شىعىندار تۋرالى تولىق مالىمەت جوق.

اۋعانستاندىق باق-تا سولتۇستىك باعلان پروۆينتسياسى مەن ونىڭ ورتالىعى پۋلكۋمريدىڭ اينالاسىنداعى  اۋدانداردا قيان-كەسكى شايقاستار ءجۇرىپ جاتقانىن ايتىلىپ جاتىر.

“The Qazaq Times”