Лағман провинциясының орталығы маңында тәліптердің шабулыы жиіледі. Фото: VOA.

Жексенбі күні Ауғанстан билігі арнайы мәлімдеме таратып, АҚШ бастаған шетел күштері елден шығып жатқан тұтса ұлттық қауіпсіздік күштері мен "Талибан" ұйымы ортасында күшті қарулы тірес болып жатқанын жеткізді. Мәліметте айтылуынша, үкіметке қарасты күштер елдің шығыс провинцияларының орталықтарын тәліптерден қорғау үшін шайқасып жатыр. 

Үкімет мәлімдемесінен сәл ғана бұрын "Талибан" қарулы топтары Ауғанстан шығысындағы Лағман провинциясындағы маңызды қорғаныс бекеттерін басып алып, провинция орталығы Мехталамға жақындаған. Бұған дейін олар аталған провинциядағы стратегиялық маңызды орындарды басып алып, Мехталамға шабуыл жасауға мүмкіндік ашқын болатын.

АҚШ Қорғаныс министрлігі жексенбі күні кешке Ауғанстан армиясының бас қолбасшысы Мұхаммед Ясин Зия басқа қауіпсіздік органдарының жоғары лауазымды адамдарымен бірге Лағманға келіп, Талибанға қарсы операцияны басқарғанын растады.

Жергілікті ақпарат көздерінің таратқан мәліметіне сәйкес, Мехтарамның қаласының кейбір аумақтарын да, әсіресе ондағы түрмеге жақын жерлерде тәліптер мен қауіпсіздік күштері арасында сұрапыл шайқастар болған. Бұған қарап тәліптер провинциядағы ең үлкен түрмені басып алуды көздеген болуы мүмкін деген болжамдар айтылуда. Алайда, өлім-жітім және өзге де шығындар туралы толық мәлімет жоқ.

Ауғанстандық БАҚ-та солтүстік Бағлан провинциясы мен оның орталығы Пулкумридің айналасындағы  аудандарда қиян-кескі шайқастар жүріп жатқанын айтылып жатыр.

“The Qazaq Times”