Ukraina prezidenti Vladimir Zelenskiy Resey prezidenti Vladimir Putindi qaqtığıs bolıp jatqan Donbasta kezdesuge şaqırdı. 

Beyneündeuinde Zelenskiy: «Keşe jäne bügin Normandiya törttiginiñ keñesşileriniñ jäne TCG qauipsizdik tobınıñ kezdesulerinde atıstı toqtatu turalı talqılandı. Putin mırza! Men sizdi Ukrainanıñ Donbass qalasında soğıs jürip jatqan kez-kelgen jerde kezdesuge şaqıramın», – dedi.

Zelenskiy eki eldiñ ötkenge jäne bolaşaqqa degen ärtürli közqarastarın problema retinde emes, mümkindik retinde qarastıruğa bolatındığın atap ötti. Ukrainanıñ batıs memleketteri men NATO-nı qoldaytının, olar elge qarjılay kömek körsetuge dayın ekendigin, sonday-aq Reseyge qarsı qatañ sankciyalar salatının da ayttı.

«Biz qorıqpaymız, öytkeni bizge halıqaralıq seriktester ülken qoldau körsetedi. Men Amerika Qwrama Ştattarınıñ, Franciyanıñ, Germaniyanıñ, Wlıbritaniyanıñ, Türkiyanıñ basşılarımen, Europa Keñesiniñ törağasımen jäne NATO-nıñ Bas hatşısımen söylestim. Olar bizdi qarjılay qoldauğa dayın. Olar qatañ sankciyalar engizuge jäne Reseyge qarsı qatañ şeşimder qabıldauğa dayın», — dedi Ukraina basşısı.

Zelenskiy Reseydi eskalaciyanıñ alğışarttarın qwrdı dep ayıptadı. Bwl mäselede Resey äskerleriniñ Ukraina şekaralarına jaqın şoğırlanuın dälel retinde keltirdi. «Eger birdeñe bolsa, Ukraina özin qorğay ma? Ärdayım» dep Kievtiñ kez kelgen jağdayğa dayın ekenin ayttı.

Naurızda Donbasstağı janjal qayta uşıqqan. Türli habarğa qarağanda, Resey äskeri Ukraina şekarasına jaqın jerlerge şoğırlana bastağan. Mäskeu bwl äskerdiñ eşkimge qauip töndirmeytinin aytadı. Germaniya kancleri Angela Merkel'men telefon arqılı söylesken Vladimir Putin Mäskeudiñ bwl qadamğa öz qauipsizdigin qamtamasız etu üşin barğanın aytqan.

Resey 23 naurızda ayaqtalğan äskeri jattığulardan keyin Ukraina şekarasına jaqın aymaqtan äsker şığarmağandıqtan, AQŞ pen Euroodaq bwl jağdaydı qatañ baqılauğa alğan. Sebebi şekarağa äsker jiberu – memlekettiñ qauipsizdigine nwqsan keltirui mümkin. Sonımen birge, äleumettik jelilerde Resey Bryansk, Voronej jäne Rostov oblıstarına, anneksiyalanğan Qırımğa da äskeriler jiberip jatqandığı turalı habarlamalar jariyalandı. Bwl jağday halıqaralıq qauımdastıqtardıñ alañdauşılığın tudırdı. Al Putinniñ baspasöz hatşısı Dmitriy Peskov «Resey äskerleriniñ Resey aumağı arqılı ötui basqa memleketterdi mazalamauı kerek, öytkeni bwl olarğa eşqanday qauip töndirmeydi» – deydi.

"The Qazaq Times"