AQŞ prezidenti Djo Baydenniñ äkimşiligi Izrail'ge 735 million dollarğa joğarı däldiktegi qaru-jaraq satudı maqwldadı.

The Washington Post mälimetinşe, Kongress habarlamanı 5 mamırda – Izrail' men Palestina arasındağı qaqtığıs bastalardan birneşe kün bwrın alğan. Zañ şığaruşılar mämileni 20 kün işinde qarauı tiis bolatın.

Gazadağı palestinalıqtar men Izrail' armiyasınıñ qaqtığısı 10 mamırdan beri jalğasıp jatır. Bwğan deyin Palestina prezidenti Mahmwd Abbas mälimdemesinde: «Qwddıs Palestinanıñ janı men jüregi. Onı tolıq azat etpey, eşqanday da beybitşilik, qauipsizdik bolmaydı. Qwddıs – Palestinanıñ, mäñgilik memlekettiñ astanası. Men AQŞ pen Izrail'ge «jetedi endi, elimizden ketiñder» dep, şegelep twrıp aytqım keledi. Jerimizdegi basıp alu sayasatın erteñ emes, bügin toqtatıñdar»,– dedi. Al Izrail' prem'er-ministri Bin'yamin Netan'yahu qajet bolğan jağdayda operaciya jalğasatının ayttı.

Soñğı mälimetter boyınşa Izrail'de kem degende 10 adam qaza tauıp, jüzdegen adam jaraqat alğan. Palestinada 200-den astam adam qaytıs boldı jäne 6000-ğa juıq adam jaraqattanğan.

"The Qazaq Times"