Resey prezidenti Vladimir Putin. Foto: VVS

Keşe Vladimir Putin federaldı keñeske joldau jasadı. Resey prezidentiniñ joldauı Mäskeu men Batıs baylanısı uşıqqan kez jäne oppozicioner Naval'nıydıñ jaqtastarı wyımdastırğan mitingpen qatar keldi.

Putin joldauında pandemiyanıñ aldın alu jäne halıqtıñ jağdayın jaqsartu josparın wsındı. Belarus'tegi ahualğa toqtalğan ol «bazbireuler Aleksandr Lukaşenkoğa qastandıq jasap, memlekettik töñkeris wyımdastırmaq boldı» degen boljammen kelisetinin bildirdi. Sonımen qatar ol Reseyde adam qwqığı taqırıbında aytarlıqtay mäselesi joq dedi. Alayda Putin adam qwqığı jaylı söz söylep jatqanda, Reseydiñ är qalasında mitingke şıqqandardı policiya wstap äketip jattı.

Sırtqı sayasatqa toqtalğan Putin basqa memleketterge ses körsetkendey boldı. Ol sözinde: «Biz halıqaralıq qauımdastıqtıñ barlıq ökilderimen, keyingi kezde baylanısımız naşarlap ketken taraptarmen jaqsı qatınasta bolğımız keledi. Biraq bizdiñ adal nietimizge beyqamdıq ya älsizdik dep qarasa, köpirdi örtep ya jarıp jibergisi kelse, Reseydiñ jauabı jıldam äri qatañ boladı. Bizge qarsı şıqqandar istegen isi üşin qattı ökinetin boladı. Reseymen qarım-qatınasta «qızıl sızıqtan» ötuge eşkimniñ däti jetpeydi dep oylaymız. Al «qızıl sızıq» qay jerden ötetinin biz özimiz belgileymiz», – dep eskertti.

Keşe Putinniñ joldauı kezinde Naval'nıydıñ jaqtastarı mitingke şıqqan bolatın. Biraq policiya 1700-den astam adamdı wstap, belsendiler men jurnalisterdi tergeuge aldı. Kreml' basşısı wsınğan Reseydiñ bolaşaq damu josparın sarapşılar «wpay jinaudıñ amalı ğana» dep sanaydı. Sebebi ol Ukrainanıñ şığısındağı ahual men elde belsendilerdiñ qudalanuı jaylı jaq aşqan joq.

Putin 2000, 2004, 2012 jäne 2018 jıldarı prezident bolıp saylandı. Endi ol 2024 jäne 2030 jıldarı ötetin saylauğa qatısa aladı. Dmitriy Medvedev 2008 jıldan 2012 jılğa deyin memleket basşısı bolğan kezde, ol prezidenttiñ ökilettik merzimin tört jıldan altı jılğa deyin wzartudı wsındı. Bwl wsınıs bir auızdan qabıldandı.

Putin Kreml'ge oralğannan keyin Medvedev ükimetti basqardı, biraq 2020 jıldıñ basında Putin Konstituciyağa tüzetuler engizetinin jariyaladı. Al Medvedev otstavkağa ketti. Reseyde 2008-2012 jıldar aralığında memleket basqarğan Dmitriy Medvedev qana bwrınğı prezident märtebesine ie. Qazir Reseyde 2001 jılı qabıldanğan bwrınğı prezidenttiñ jeke basına tiispeu turalı zañ bar. Zañğa 1991 jılı 31 jeltoqsanda sol jıldarı prezidenttiñ mindetin atqaruşı bolğan Vladimir Putin Boris El'cin otstavkağa ketkennen keyin qol qoyğan.

Jaqında Memlekettik duma qabıldağan zañ jobası bwrınğı memleket basşısı men onıñ otbasın qılmıstıq nemese äkimşilik jauapkerşilikke tartuğa tıyım saludı qarastıradı. Qwjat boyınşa, olardı wstauğa, qamauğa aluğa, tintuge, tergeuge de bolmaydı. Tek «memleketke opasızdıqtıq jasadı» dep küdikke ilingen bwrınğı basşılar memlekettik duma, joğarğı sot, konstituciyalıq sottıñ maqwldauımen jazağa tartıluı mümkin.

"The Qazaq Times"