Foto: bbci.co.uk

Reseyde Aleksey Naval'nıydıñ jaqtastarı ötizgen mitingte 1700-den astam adam wstaldı. Wstalğandardıñ basım böligi Sankt-Peterburgten.

Keşe Qiır Şığısta Vladivostoktan bastap, Baltıq jağalauındağı Kaliningradqa deyingi aralıqta türli qalalarda mıñdağan adam şeruge şıqtı. Sol küni Resey prezidenti Vladimir Putin federaldıq keñeske joldau jasağan.

Şeru bastalmay jatıp policiya belsendiler men jurnalisterdi sät sayın wstap, tintu jürgizdi. Miting belgilengen aumaqtar qorşauğa alındı. Şeruge şıqqandar Naval'nıyğa medicinalıq kömek körsetudi talap etti. Sonımen qatar olar «Putinsiz Resey» dep wrandattı.

Birneşe kün bwrın bilik  Naval'nıy negizin qalağan «Jemqorlıqpen küres» qorın «ekstremistik wyım» dep atap, onı jappaq boldı. B as prokuratura twrğındarğa «rwqsat etilmegen mitingige şıqpau qajettigin» eskertip, şıqqan jağdayda jappay tärtipsizdik babı boyınşa is qozğalatının mälimdegen.

Mäskeude Aleksey Naval'nıydıñ baspasöz hatşısı Kira YArmış, oppozicioner Lyubov' Sobol', sayasatker Vladimir Rıjkovtı wstap äketken. Eki belsendi de sot qañtarda ötken Naval'nıydı qoldau akciyasında «epidemiologiyadıq erejelerdi bwzdı» dep ayıptağan. SOTA basılımınıñ tilşisi Sergey Kuokuge mitingige qatıspau jaylı eskertu jasağan. Krasnodarda sot Naval'nıy komandasınıñ belsendisi Alipat Sultanbegovanı narazılıq akciyası turalı TikTok-ta jariyalanğan videosı üşin 10 künge qamauğa alğan.  Policiya hattamasında «halıqtı narazılıq akciyasına qatısuğa şaqırıp, beyneroliginde miting turalı zañdı bwzdı» delingen.

Kreml' sınşısı Aleksey Naval'nıy 31 naurızdan beri aştıq jariyalap, densaulığı naşarlağan. Osı aptada Pokrovadağı türmeden sottalğandarğa arnalğan oblıstıq auruhanağa auıstırıldı. Bwğan deyin Naval'nıydı emdegen därigerler onıñ qan analiziniñ qorıtındısın jariyalap, däriger Anastasiya Vasil'eva nauqastıñ jüregi toqtap qaluı mümkin dep eskertken. Naurızdıñ soñında mıñnan astam däriger bilikke aşıq hat jazıp, sayasatkerge täuelsiz därigerdi kirgizuge şaqırğan.

"The Qazaq Times"