A.Naval'nıy. Foto: ria.ru

Reseydiñ oppoziciyalıq sayasatkeri Aleksey Naval'nıydı emdegen därigerler odan aştıqtı dereu toqtatudı swrap, wjımdıq ündeu jaryaladı. Olardıñ mälimdemesi "Mediazona" saytında jariyalanıp, bügin sayasatkerdiñ özine tabıstaladı.

Saytta jariyalanğan mälimedemege 5 däriger qol qoyğan. Olar sayasatkerdiñ densaulığına diagnostika jürgizgen, advokattar arqılı medicinalıq qorıtındı men analiz nätijelerine qol jetkizgen.

Olardıñ sözinşe, Naval'nıyğa täuelsiz därigerler tobınıñ ötinişine say diagnostika jürgizilgen.

"Bizdiñ bastı maqsatımız – pacienttiñ ömiri men densaulığın saqtap qalu. Eger aştıq tağı jalğassa, ökinişke qaray jaqın arada odan ayırılıp qaluımız mümkin" delingen ündeude.

Naval'nıy özine täuelsiz därigerlerdi jiberudi talap etip, 31 naurızdan beri aştıq wstap jatır. Onıñ aldında sayasatker beliniñ auıratınına, ayağınıñ wyitınına jäne türmede qajetti därejede medicinalıq kömek körsetpeytinine şağımdanğan.

Kreml' sınşısı Aleksey Navalnıy qañtar ayınan beri qamauda otır. 2 aqpanda Mäskeudiñ Simonov sotı Aleksey Naval'nıydı 2013 jılı "Iv Roşe isi" boyınşa şıqqan şarttı jaza erejelerin orındamadı degen ayıp tağıp, oğan türme jazasın kesken. Al sayasatker özine tağılğan ayıptardı zañsız dep esepteydi.

"The Qazaq Times"