Нұр-Сұлтанның қылмыстық істер жөніндегі мамандандырылған ауданаралық сотында марқұм белсенді Дулат Ағаділдің ұлы Жанболат Ағаділдің өліміне байланысты қозғалған іс бойынша сот өтіп жатыр. Прокурор айыпталушыларға 4-18 жыл аралығында жаза беруді сұраған. Бұл туралы адвокат Жандос Тұяқовтың ақпаратына сүйенген Азаттық радиосы хабарлады.
Азаттықтың жазуынша, іс бойынша алты айыпталушы бар: Назарбеков, Әбілдаев, Сыдық, Жұмахан, Асболат, Рахмет. Оларға "Бұзақылық", "Адам өлтіру", "Қылмысты жасыру", "Қылмысты хабарламау" баптары бойынша айып тағылған.
Адвокат Жандос Тұяқовтың Азаттыққа айтуына қарағанда, басты күдікті Өміржан Рахметке "Адам өлтіру" бабы бойынша айып тағылған.
"Прокурор оны 18 жылға бас бостандығынан айыруды сұрады. "Қылмысты жасыру" бойынша айыпталғандарға 4-5 жыл аралығында жаза сұрады. Өміржан Рахмет тағылған айыпты мойындамайды. Сот үкімі бүгін оқылуы тиіс" депті адвокат Азаттыққа.
Жанболат Ағаділ – 2020 жылы ақпанда астанадағы уақытша ұстау изоляторында жұмбақ жағдайда көз жұмған саяси белсенді Дулат Ағаділдің ұлы. Ол былтыр қарашада жаппай төбелес кезінде пышақталып, соның салдарынан көз жұмған.
Косметикалық жаңару әдеті: «Аманат» пен «Әділетті» қауышуы – саяси жаңару ма, әлде номенклатуралық камуфляж ба?
Ормуз дағдарысы және көпполярлы әлемнің тууы: «Қырғи қабақ соғыстан» да қауіпті жаңа текетірес
Алмасбек Садырбай ісі: Қонаев сотында БАҚ-қа қойылған шектеу күшінде қалды
Алмасбек Садырбай ісі: Ашық сот па, әлде жабық бақылау ма?
Иран әскери элитасының жойылуы: соғыстың жаңа кезеңі
Хаменеиден кейінгі Иран: билік транзиті мен соғыс көлеңкесіндегі ел