Foto: VVS

Euroodaq Ukraina şekarasındağı jağdayğa alañdauşılıq bildirip, Reseyge eskertu jasadı.

EO Sırtqı ister jäne qauipsizdik sayasatı jönindegi joğarğı ökili Jozep Borrel' resmi mälimdemesinde: «Ukrainamen aradağı şekarada Reseydiñ 150 mıñnan asa äskeri qızmetkeri ornalastırılğan. Bwl şielenistiñ örşip ketu qaupi bar ekenin bildiredi. Qazir eki el şekarasına dala gospital'deri qwrılıp jatır. Bwl aqparattı qaydan alğanımdı ayta almaymın. Biraq bwl alañdatatın mäsele», – dedi.

Odaqqa müşe elderdiñ sırtqı ister ministrleri ötkizgen beynekonferenciyada Ukraina men Gruziya problemaları, sonday-aq Irannıñ yadrolıq kelisimi töñiregindegi ahualdı talqılau josparlağan edi. Alayda qatısuşılar qosımşa Resey men Ukraina şekarasındağı jağdayğa qatıstı mäsele köterdi. Jalpı beynekonferenciya qorıtındısı boyınşa Eurodaq M'yanmağa qarsı sankciyalardı küşeytti.

Naurızda Donbasstağı janjal qayta uşıqqan. Türli habarğa qarağanda, Resey äskeri Ukraina şekarasına jaqın jerlerge şoğırlana bastağan. Mäskeu bwl äskerdiñ eşkimge qauip töndirmeytinin aytadı. Germaniya kancleri Angela Merkel'men telefon arqılı söylesken Vladimir Putin Mäskeudiñ bwl qadamğa öz qauipsizdigin qamtamasız etu üşin barğanın aytqan.

Al The New York Times gazeti Mäskeudiñ Ukraina şekarasına 4000-ğa juıq äsker jibergenin jazdı. Basılımnıñ mälimetinşe, Resey 23 naurızda ayaqtalğan äskeri jattığulardan keyin Ukraina şekarasına jaqın aymaqtan äsker şığarmağandıqtan, AQŞ pen Euroodaq bwl jağdaydı qatañ baqılauğa alğan. Sebebi şekarağa äsker jiberu – memlekettiñ qauipsizdigine nwqsan keltirui mümkin. Sonımen birge, äleumettik jelilerde Resey Bryansk, Voronej jäne Rostov oblıstarına, anneksiyalanğan Qırımğa da äskeriler jiberip jatqandığı turalı habarlamalar jariyalandı.

Keyinnen Euroodaq pen AQŞ Reseyge qarsı sankciyalardı küşeytudi talqıladı. Jaña sankciyalar ayasında Resey oligarhtarınıñ qarajatı bwğattalıp, Reseydiñ SWIFT bank jüyesinen şettetiledi. Keşe Wlıbritaniya Ukrainı qoldau maqsatında Qara teñizge eki äskeri keme jiberetinin habarladı.

"The Qazaq Times"