"Terrorizmdi nasihattadı" jäne "wlttıq alauızdıqtı qozdırdı" degen ayıppen 2018 jıldan beri qamauda otırğan "sayasi twtqın" Kenjebek Äbişevten jürek işemiyası auruı anıqtaldı. Bwl turalı onıñ advokatı Gülnar Juaspaeva men qoğam belsendisi Rısbek Särsenbaywlınıñ aqparatına süyengen Azattıq radiosı habarladı.
11 säuirden beri türmede aştıq jariyalap jatqan Kenjebek Äbişev "büyreginen pristup wstap" 14 säuirde tünde auruhanağa tüsken. Advokatınıñ Azattıqqa aytuınşa, onı jedel järdem köligimen auruhanağa jetkizgen.
"Ol aştıqtı toqtatqan joq. Bügin altınşı kün. Därigerler älsizdik barın ayttı. Odan keyin jürek işemiyasın anıqtağan. Büyrek jäne basqa da organdarın UZI-den ötkizip, tekseredi. Qazirgi negizgi närse sol – jürek işemiyası. Därigerler ol stresten, jüyke jüyesiniñ tozğanınan dep tüsindirip otır. Qazir özine tereze arqılı da ayttıq. "Seniñ ömiriñ qımbat, ömiriñ kerek. Ol üşin densaulıq kerek. Öziñdi biletin, sağan janı aşitın adamdardıñ bäriniñ atınan ötiniş – mına aştıqtı toqtat" dedik. Qanday şeşim qabıldaysıñ, onı öziñ bilesiñ. Sağan emdelu kerek, dwrıstalu kerek, küş jinau kerek ekenin ayttıq" degen Rısbek Särsenbaywlı Azattıq radiosınıñ tilşisine.
Advokat Gülnara Juaspaevanıñ sözinşe, därigerler Äbişevtiñ jağdayın "twraqtı" dep bağalağan, qazir emdep jatır.
Rısbek Särsenbaywlınıñ aytuınşa, 14 säuirde Äbişevti aştıqtı toqtatuğa köndiru üşin prokuror, qılmıstıq atqaru jüyesi departamentiniñ ökilderi türmege barğan. Al Äbişev olarğa jazanı jeñildetu turalı ötinişin qanağattandırğan jağdayda ğana aştığın toqtatatının mälimdegen.
Şerzattıñ ölimi isine qatıstı qwpiya videonı jariyalau kimge kerek boldı? – Sarapşılar media sını
24 qazan – Kitaphanaşılar merekesi qwttı bolsın!
«Uçaskeden äruaqqa kök hat»: Almatıda marqwmğa kelgen şaqırtu
Komissiya men baqılauşı esebindegi ayırmaşılıq: Almatıda referendum qalay ötip jatır?
"Ädil Qazaqstan, estitin memleket" endi advokattarğa qısım jasay bastadı ma?
«Psevdo-bayqauşı» älde käsibi baqılauşı: Referendumdı kim baqılaydı?