"تەرروريزمدى ناسيحاتتادى" جانە "ۇلتتىق الاۋىزدىقتى قوزدىردى" دەگەن ايىپپەن 2018 جىلدان بەرى قاماۋدا وتىرعان "ساياسي تۇتقىن" كەنجەبەك ابىشەۆتەن جۇرەك يشەمياسى اۋرۋى انىقتالدى. بۇل تۋرالى ونىڭ ادۆوكاتى گۇلنار جۋاسپاەۆا مەن قوعام بەلسەندىسى رىسبەك سارسەنبايۇلىنىڭ اقپاراتىنا سۇيەنگەن ازاتتىق راديوسى حابارلادى.
11 ساۋىردەن بەرى تۇرمەدە اشتىق جاريالاپ جاتقان كەنجەبەك ابىشەۆ "بۇيرەگىنەن پريستۋپ ۇستاپ" 14 ساۋىردە تۇندە اۋرۋحاناعا تۇسكەن. ادۆوكاتىنىڭ ازاتتىققا ايتۋىنشا، ونى جەدەل جاردەم كولىگىمەن اۋرۋحاناعا جەتكىزگەن.
"ول اشتىقتى توقتاتقان جوق. بۇگىن التىنشى كۇن. دارىگەرلەر السىزدىك بارىن ايتتى. ودان كەيىن جۇرەك يشەمياسىن انىقتاعان. بۇيرەك جانە باسقا دا ورگاندارىن ۋزي-دەن وتكىزىپ، تەكسەرەدى. قازىرگى نەگىزگى نارسە سول – جۇرەك يشەمياسى. دارىگەرلەر ول سترەستەن، جۇيكە جۇيەسىنىڭ توزعانىنان دەپ ءتۇسىندىرىپ وتىر. قازىر وزىنە تەرەزە ارقىلى دا ايتتىق. "سەنىڭ ءومىرىڭ قىمبات، ءومىرىڭ كەرەك. ول ءۇشىن دەنساۋلىق كەرەك. ءوزىڭدى بىلەتىن، ساعان جانى اشيتىن ادامداردىڭ ءبارىنىڭ اتىنان ءوتىنىش – مىنا اشتىقتى توقتات" دەدىك. قانداي شەشىم قابىلدايسىڭ، ونى ءوزىڭ بىلەسىڭ. ساعان ەمدەلۋ كەرەك، دۇرىستالۋ كەرەك، كۇش جيناۋ كەرەك ەكەنىن ايتتىق" دەگەن رىسبەك سارسەنبايۇلى ازاتتىق راديوسىنىڭ تىلشىسىنە.
ادۆوكات گۇلنارا جۋاسپاەۆانىڭ سوزىنشە، دارىگەرلەر ابىشەۆتىڭ جاعدايىن "تۇراقتى" دەپ باعالاعان، قازىر ەمدەپ جاتىر.
رىسبەك سارسەنبايۇلىنىڭ ايتۋىنشا، 14 ساۋىردە ابىشەۆتى اشتىقتى توقتاتۋعا كوندىرۋ ءۇشىن پروكۋرور، قىلمىستىق اتقارۋ جۇيەسى دەپارتامەنتىنىڭ وكىلدەرى تۇرمەگە بارعان. ال ابىشەۆ ولارعا جازانى جەڭىلدەتۋ تۋرالى ءوتىنىشىن قاناعاتتاندىرعان جاعدايدا عانا اشتىعىن توقتاتاتىنىن مالىمدەگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟