Ayaldamağa toqtap twrğan avtobus. Almatı qalası. Foto: QT / Kültegin Aspanwlı

36 künnen beri «qızıl aymaqta» twrğan Almatı qalasında säuir ayınıñ alğaşqı eki aptasında auırğandar sanı twtas naurız ayındağı jiıntıq eseppen teñesuge jaqın (naurız ayı – 9631, 1-14 säuir – 9034 nauqas). Qalada särsenbi küni 657 sırqat anıqtaldı. Onıñ 547-sinde simptomdıq belgileri bar, 110-ı simptomsız.

Qoğamdıq densaulıq saqtau basqarmasınıñ mälimetinşe, ötken täulikte 416 adam auruhanağa jatqızılğan jäne 339 adam üyine jiberilgen. Naurız ayınıñ ortasında bas sanitar däriger Jandarbek Bekşin bir künde auruhanağa jatqızılğandar sanı 500-den assa, qalada lokdaun küşeytilip, blok-beket qoyılatının eskertken.

Jalpı qalada 6201 adam ambulatorlıq deñgeyde emdelude jäne sıyımdılığı 6060 orın bolatın infekciyalıq stacionarlarda 3712 adam jatır. Olardıñ arasında jağdayı jeñil äri orta deñgeyde 112 bala bar. Bwdan özge auruhandağı eresekterdiñ 767-si auır jäne 2945-i orta hälde. Al reanimaciya jäne qarqındı terapiya bölimderindegi 272 orınnıñ 235-inde nauqastar jatır. 32 adam ÖJJ, 84 nauqas invazivti emes ÖJJ-ımen jäne 84 sırqat High flow apparatımen tınıstap jatır.

Resmi derekke qarağanda, jalpıhalıqtıq vakcinaciyalau nauqanı bastalğalı, yağni 1 aqpannan beri megapoliste 87 mıñğa tarta adam ekpe alğan.

Bıltır birinşi tolqında – «mausım-şilde qırğınında» 6372, qazan ayında jürgen ekinşi tolqında 3607 jäne biıl köktemgi üşinşi tolqında äzirge 18 665 jağday tirkeldi. Sonımen qosa, keyingi eki jarım ayda qalada 108 mıñnan asa adam ekpe alğan. Äkimdik mälimetinşe, äzirge 203 egu punkti men 406 egu brigadası jwmıs isteydi.

Almatıda bir jılda koronavirus pen pnevmoniya sırqattarınıñ qatarı 49 mıñnan asqan. Mwnıñ 38%-ı, yağni 18,5 mıñ adam osı köktemde tirkelgen. Ökinişke qaray, osı aralıqta 220 almatılıq köz jwmğan.

BAÄ, Mısır, Mal'div, Ispaniya, Türkiya, Gruziya, Belarus', Şri-Lanka, Saud Arabiyası, QHR, Oñtüstik Koreya, Germaniya, Ukraina, Resey Federaciyası, Äzirbayjan, Täjikstan, Özbekstan jäne Qırğızstan tärizdi elderden Almatı qalasına 1 naurızdan beri jüzdegen halıqaralıq äue reysi keldi. Köktem tuğalı Alatau baurayına 687 reyspen 100 mıñday jolauşı wşıp kelgen: 95 mıñ adam PTR qorıtındısımen, 4590 adam test anıqtamasınsız. Osınıñ saldarınan jwğu jäne ölimge soqtıru qateri joğarı britandıq jäne oñtüstikafrikalıq ştamdar tirkelip, özge öñirlerge taralğan.

Elde qañtar ayınıñ ekinşi jäne aqpan ayınıñ alğaşqı jartısında nauqastar qatarı kürt köbeygen. Aqpan ayınıñ ekinşi jartısında birşama kemigen edi, dese de naurızda qayta arttı. Qazir täuligine 2 mıñ sırqat jäne 20 şaqtı ölim jağdayı tirkelip jatır. Qalanıñ bas sanitar därigeri Jandarbek Bekşin bes aptada 10 qaulı şığardı. Sebebi qabıldanğan ereje men qatañdatılğan lokdaun şarası kütkendey nätije bermedi. Mwnı 5 säuir küngi brifingte Bekşin demalıs künderi qoğamdıq kölikti toqtatu jäne sauda qatarlarınıñ jwmısın şekteu siyaqtı şeşim «tiimsiz bolğanın», yağni bwdan indet ahualı jaqsarmağanın moyındadı. Ol bir aydan asa uaqıt «qızıl aymaqta» twrğan qalada tirkelip jatqan nauqastar virustı «köbine jayau jürginşilerdiñ joldarı men sayabaqta» jwqtırğanın aytqan.

Bıltır 13 naurızdan beri COVID-19 infekciyasın jwqtırğandar qatarı 278 mıñğa, 1 tamızdan bılayğı koronavirus pnevmoniyası 51 mıñğa jetken. DDSW derekqorı men Wlttıq statistikada Qazaqstanda auırğandar sanı 330 mıñnan asqan. Degenmen Ükimet koronavirus pen onıñ pnevmoniyasın eki bölek esepteydi. Sonday-aq pandemiya kezinde jalpı virus jwqqandardıñ 5,6 mıñı (KVI+ / U07.1 – 3306, KVI- / U07.2 – 741, ilespe aurulardan – 1619) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingenderdi jalpı statistikağa engizbeydi.

"The Qazaq Times"