Djo Bayden men Vladimir Putin. Foto: files

Djo Bayden men Vladimir Putin AQŞ-Resey baylanısın talqıladı. Bayden reseylik äriptesine ekijaqtı sammit ötkizudi wsınıp, Donbass mäselesinde Ukrainanıñ twtastığı men egemendigin qoldaytının aytqan.

Sonımen qatar, Aq üy basşısı Ukraina men Resey şekarasındağı qaqtığısqa alañdauşılıq bildirip, Kreml'di jağdaydı uşıqtırmauğa şaqırdı. Ukraina dağdarısı söz bolğanda, Vladimir Putin sayasi mäseleni retteudiñ «minskilik» ädisin bayandağan. Al Kreml' habarlamasında Ukraina töñiregindegi dau «işki mäsele» dep jazılğan.

Qazir Reseydiñ twraqsızdandıruşı äreketteri Ukrainanıñ şığısındağı şielenisti uşıqtıra bastağan. Naurızdıñ soñında The New York Times gazeti Mäskeudiñ Ukraina şekarasına 4000-ğa juıq äsker jibergenin jazdı. Basılımnıñ mälimetinşe, Resey 23 naurızda ayaqtalğan äskeri jattığulardan keyin Ukraina şekarasına jaqın aymaqtan äsker şığarmağandıqtan, AQŞ pen Euroodaq bwl jağdaydı qatañ baqılauğa alğan. Sebebi şekarağa äsker jiberu – memlekettiñ qauipsizdigine nwqsan keltirui mümkin. Sonımen birge, äleumettik jelilerde Resey Bryansk, Voronej jäne Rostov oblıstarına, anneksiyalanğan Qırımğa da äskeriler jiberip jatqandığı turalı habarlamalar jariyalandı.

Biıl aqpannıñ soñınan bastap Donbasta atıstı toqtatu turalı kelisim öreskel bwzılıp, Resey-Ukraina qaqtığısı qayta bağıt aldı. Eki jaqta da qaza tapqandar bar.

"The Qazaq Times"