دجو بايدەن مەن ۆلاديمير پۋتين اقش-رەسەي بايلانىسىن تالقىلادى. بايدەن رەسەيلىك ارىپتەسىنە ەكىجاقتى سامميت وتكىزۋدى ۇسىنىپ، دونباسس ماسەلەسىندە ۋكراينانىڭ تۇتاستىعى مەن ەگەمەندىگىن قولدايتىنىن ايتقان.
سونىمەن قاتار، اق ءۇي باسشىسى ۋكراينا مەن رەسەي شەكاراسىنداعى قاقتىعىسقا الاڭداۋشىلىق ءبىلدىرىپ، كرەملدى جاعدايدى ۋشىقتىرماۋعا شاقىردى. ۋكراينا داعدارىسى ءسوز بولعاندا، ۆلاديمير پۋتين ساياسي ماسەلەنى رەتتەۋدىڭ «مينسكىلىك» ءادىسىن بايانداعان. ال كرەمل حابارلاماسىندا ۋكراينا توڭىرەگىندەگى داۋ «ىشكى ماسەلە» دەپ جازىلعان.
قازىر رەسەيدىڭ تۇراقسىزداندىرۋشى ارەكەتتەرى ۋكراينانىڭ شىعىسىنداعى شيەلەنىستى ۋشىقتىرا باستاعان. ناۋرىزدىڭ سوڭىندا تhe New York Times گازەتى ماسكەۋدىڭ ۋكراينا شەكاراسىنا 4000-عا جۋىق اسكەر جىبەرگەنىن جازدى. باسىلىمنىڭ مالىمەتىنشە، رەسەي 23 ناۋرىزدا اياقتالعان اسكەري جاتتىعۋلاردان كەيىن ۋكراينا شەكاراسىنا جاقىن ايماقتان اسكەر شىعارماعاندىقتان، اقش پەن ەۋرووداق بۇل جاعدايدى قاتاڭ باقىلاۋعا العان. سەبەبى شەكاراعا اسكەر جىبەرۋ – مەملەكەتتىڭ قاۋىپسىزدىگىنە نۇقسان كەلتىرۋى مۇمكىن. سونىمەن بىرگە، الەۋمەتتىك جەلىلەردە رەسەي بريانسك، ۆورونەج جانە روستوۆ وبلىستارىنا، اننەكسيالانعان قىرىمعا دا اسكەريلەر جىبەرىپ جاتقاندىعى تۋرالى حابارلامالار جاريالاندى.
بيىل اقپاننىڭ سوڭىنان باستاپ دونباستا اتىستى توقتاتۋ تۋرالى كەلىسىم ورەسكەل بۇزىلىپ، رەسەي-ۋكراينا قاقتىعىسى قايتا باعىت الدى. ەكى جاقتا دا قازا تاپقاندار بار.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
ەكس-مينيستر ايەلىن ساباپ ءولتىردى دەگەن كۇدىكپەن ۇستالدى