Forbes jurnalına tağı üş qazaqstandıq qosıldı. Foto: Ustinka.

Eki jıldan beri älemdi koronavirus indeti älekke salıp, köptegen eldiñ ekonomikasın twralattı. Bir qızığı bwnday ekonomikalıq jağday älemdegi qaltalı baylarğa äser etpegendey. Birer kün bwrın Forbes jurnalı älemniñ eñ bay adamdarınıñ 2021 jılğı tizimin jañarttı. Basılımnıñ mälimetine qarağanda pandemiya jağdayna qaramastan milliarderlerdiñ qarjılıq jağdayı jaña rekordtı bwzğan.

Forbes basılımınıñ zertteuinşe, millarderlerdiñ qarjılıq qorı 13,1 trilliondı qwrap, pandemiya bastalğan 2019 jıldan beri jılına 8 trillionğa ösken. Jahandıq ekonomikalıq belsendiliktiñ älsiregenine qaramastan, milliarderler sanı 2095 adamnan 2755 adamğa köbeygen. Milliarderler sanı köp el retinde AQŞ 724 adammen öz orının saqtap qaldı, Qıtay 698 adammen ekenşi orında.

Eñ qızığı, Forbes basılımınıñ tizimine Qazaqstannan tağı üş adam qosılğan. Olar «Kaspiy bank» ieleri sanalğan Vyaçeslav Kim jäne Mihail Lomtadze, sonday-aq  Freedom Holding brokerlik keñesiniñ basşısı Timur Turlov qatarlılar.

Atalmış basılım jıl sayın milliarder arasında jaña tehnologiya salasındağı baylardıñ qaltası qalıñdap bara jatqanın aytadı.

“The Qazaq Times”