Foto: AR

AQŞ odaqtastarımen jäne seriktesterimen Qıtayda ötetin qısqı Olimpiada oyındarına boykot jariyalaudı talqılamaq. Bwl turalı brifingte AQŞ Memlekettik departamentiniñ baspasöz qızmetiniñ jetekşisi Ned Prays habarladı.

Aq üy äkimşiligi Şıñjañdağı genocid mäselesin de toqtaldı. Resmi ökil bayandamasında: «AQŞ pen Qıtaydıñ qarım-qatınası «bäsekelestikke» negizdelgen. Vaşington men Beyjiñ keyde qarsılastar retinde äreket etedi. Biz Şıñjañdağı ahualdı da nazarğa alamız», – deydi Prays. YAğni AQŞ Qıtaymen qarım-qatınas ornatu kezinde öziniñ müddeleri men qwndılıqtarın basşılıqqa aladı.

Kelesi jılı Qıtay qabıldap alatın olimpiada oyındarına boykot jariyalaudı bwğan deyin Kanada, Norvegiya, AQŞ sayasatkerleri, sonday-aq älemniñ är türli elderinen 200-ge juıq adam qwqıqtarı jönindegi wyımdardıñ ökilderi qoldağan.

XXIV qısqı Olimpiada 2022 jılğı 4-20 aqpan aralığında Beyjiñde ötedi. Qıtay astanası 2015 jıldıñ 31 şildesinde Kuala-Lumpurdağı Halıqaralıq Olimpiada komitetiniñ sessiyasında ötetin orın retinde tañdaldı.

Bwğan deyin Şıñjañdağı jağdayğa baylanıstı Euroodaq Qıtayğa sankciya engizdi. 2018 jıldıñ tamızında BWW Adam qwqıqtarı jönindegi Joğarğı Komissar basqarmasınıñ ökilderi Şıñjañdağı tüzetu lagerlerinde 1 mln-ğa juıq mwsılmanjardıñ zañsız wstalğanın jäne adam qwqıqtarınıñ taptalğanın mälimdedi. Basqarma bwl jağdayğa alañdauşılıq bildirip, osı aymaqqa baqılauşılar jiberudi wsındı.

Qıtay biligi Şıñjañda penitenciarlıq mekemelerdiñ auqımdı jelisin qwru turalı aqparattı birneşe ret joqqa şığardı. Sonımen qatar, 2018 jıldıñ soñında olar öñirde bilim beru jäne käsiptik dayarlau ortalıqtarı jwmıs isteytinin habarlağan. Qıtay şeneunikteriniñ mälimdeuinşe, onda terrorizm men ekstremizm ideyalarınıñ ıqpalına tüsken, qıtay tilin, jazu negizderin, kommunikativtik dağdılardı jäne QHR zañnamasınıñ negizderin oqitın adamdar bar. Bwl ortalıqtardağı adamdardıñ naqtı sanın Qıtay biligi jasırın wstap otır.

"The Qazaq Times"