Foto: inform-ua.info

AQŞ Memlekettik hatşısı Entoni Blinken Reseydiñ Donbasta jäne Qırımda jalğasıp jatqan agressiyası jağdayında Ukrainanıñ egemendigi men aumaqtıq twtastığın qoldaytının ayttı.

Blinken Ukraina SİM basşısı Dmitriy Kulebamen telefon arqılı söylesip, Resey men Ukraina baylanısın talqılağan. Bwğan deyin The New York Times basılımı Resey Ukrainamen şekarasına şamamen 4000 äsker jibergenin jazdı. Al Resey Qorğanıs ministrligi bwl jöninde resmi habarlağan joq.

Blinken Ukrainanıñ şığısındağı qauipsizdik jağdayına alañdauşılıq bildirip, 26 naurızda Şuma eldi mekenindegi atıs saldarınan tört ukrain sarbazınıñ qaytıs boluına baylanıstı köñil ayttı.

Ukraina Sırtqı ister ministrligi Resey qauipsizdik jağdayın jüyeli türde uşıqtırıp otırğanın ayttı.

Naurızdıñ ortasında AQŞ senatorlar tobı Ukrainamen qauipsizdik salasındağı seriktestik turalı zañ jobasın wsındı. AQŞ Kongresi Senatınıñ Halıqaralıq ister jönindegi komitetiniñ qarauına engizilgen qwjatta Kievke jılına 300 mln dollar äskeri kömek jäne ukrain äskeri oficerlerin dayarlauğa jılına 4 mln dollarğa (3,4 mln euro) bölu qarastırılğan.

"The Qazaq Times"