اقش مەملەكەتتىك حاتشىسى ەنتوني بلينكەن رەسەيدىڭ دونباستا جانە قىرىمدا جالعاسىپ جاتقان اگرەسسياسى جاعدايىندا ۋكراينانىڭ ەگەمەندىگى مەن اۋماقتىق تۇتاستىعىن قولدايتىنىن ايتتى.
بلينكەن ۋكراينا ءسىم باسشىسى دميتري كۋلەبامەن تەلەفون ارقىلى سويلەسىپ، رەسەي مەن ۋكراينا بايلانىسىن تالقىلاعان. بۇعان دەيىن تhe New York Times باسىلىمى رەسەي ۋكراينامەن شەكاراسىنا شامامەن 4000 اسكەر جىبەرگەنىن جازدى. ال رەسەي قورعانىس مينيسترلىگى بۇل جونىندە رەسمي حابارلاعان جوق.
بلينكەن ۋكراينانىڭ شىعىسىنداعى قاۋىپسىزدىك جاعدايىنا الاڭداۋشىلىق ءبىلدىرىپ، 26 ناۋرىزدا شۋما ەلدى مەكەنىندەگى اتىس سالدارىنان ءتورت ۋكراين ساربازىنىڭ قايتىس بولۋىنا بايلانىستى كوڭىل ايتتى.
ۋكراينا سىرتقى ىستەر مينيسترلىگى رەسەي قاۋىپسىزدىك جاعدايىن جۇيەلى تۇردە ۋشىقتىرىپ وتىرعانىن ايتتى.
ناۋرىزدىڭ ورتاسىندا اقش سەناتورلار توبى ۋكراينامەن قاۋىپسىزدىك سالاسىنداعى سەرىكتەستىك تۋرالى زاڭ جوباسىن ۇسىندى. اقش كونگرەسى سەناتىنىڭ حالىقارالىق ىستەر جونىندەگى كوميتەتىنىڭ قاراۋىنا ەنگىزىلگەن قۇجاتتا كيەۆكە جىلىنا 300 ملن دوللار اسكەري كومەك جانە ۋكراين اسكەري وفيتسەرلەرىن دايارلاۋعا جىلىنا 4 ملن دوللارعا (3,4 ملن ەۋرو) ءبولۋ قاراستىرىلعان.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى