Foto: pravda.com

Euroodaq pen AQŞ älemde koronavirusqa qarsı vakcina jetkizudi birlese jüzege asırmaq. Bwl turalı Bryussel'de Eurokomisssiya basşısı Ursula Fon der Lyayen AQŞ Memlekettik hatşısı Entoni Blinkenmen kezdesude mälimdedi.

Bwğan deyin Eurokomissiya virusqa qarsı vakcina eksportın baqılaudı qatañdatu turalı şeşim qabıldağan. Şekteu Europağa ekpe jetkizudi qiındatıp, kedergi keltirip jatqan elderge qoldanılmaq.

Ursula Fon Der Lyayen mälimdemesinde: «Biz üşin bastı mindet –pandemiyağa tosqauıl bolıp, onıñ saldarımen küresu. Älemdegi barlıq memleket qauipsiz bolmasa, bir de bir aymaqtağı jağday oñalmaydı. Sondıqtan biz düniejüzinde vakcinanı jetkizu jüyesin nığaytudı talqılamaqpız. Jaña ştamdarğa qarsı küreske, zertteulerge qarjını ayamau kerek», – dedi.

Qazir Europadağı birqatar sayasi küş jäne key memleket Eurokomissiyanıñ vakcinalau jönindegi sayasatın sınap otır. Qazirgi sayasat ayasında, vakcina satıp alu men ülestiru ortalıq sanalatın Bryussel' arqılı jürip otır. Al memleketterdiñ Eurokomissiyanı aynalıp ötip özdiginen satıp alu mümkindigi şektelip otır.

13 naurızda Avstriya, Çehiya, Sloveniya, Bolgariya, Horvatiya jäne Latviya elderi Euroodaqtıñ tötenşe sammitin ötkizuge şaqırdı. Olardıñ sözinşe, qazir Euroodaq müşeleri arasında vakcinalau jöninde tepe-teñdik joq. Atalğan elder sammitte osı mäsele talqılanuı tiis deydi.

"The Qazaq Times"