ەۋرووداق پەن اقش الەمدە كوروناۆيرۋسقا قارسى ۆاكتسينا جەتكىزۋدى بىرلەسە جۇزەگە اسىرماق. بۇل تۋرالى بريۋسسەلدە ەۋروكوميسسسيا باسشىسى ۋرسۋلا فون دەر ليايەن اقش مەملەكەتتىك حاتشىسى ەنتوني بلينكەنمەن كەزدەسۋدە مالىمدەدى.
بۇعان دەيىن ەۋروكوميسسيا ۆيرۋسقا قارسى ۆاكتسينا ەكسپورتىن باقىلاۋدى قاتاڭداتۋ تۋرالى شەشىم قابىلداعان. شەكتەۋ ەۋروپاعا ەكپە جەتكىزۋدى قيىنداتىپ، كەدەرگى كەلتىرىپ جاتقان ەلدەرگە قولدانىلماق.
ۋرسۋلا فون دەر ليايەن مالىمدەمەسىندە: «ءبىز ءۇشىن باستى مىندەت –پاندەمياعا توسقاۋىل بولىپ، ونىڭ سالدارىمەن كۇرەسۋ. الەمدەگى بارلىق مەملەكەت قاۋىپسىز بولماسا، ءبىر دە ءبىر ايماقتاعى جاعداي وڭالمايدى. سوندىقتان ءبىز دۇنيەجۇزىندە ۆاكتسينانى جەتكىزۋ جۇيەسىن نىعايتۋدى تالقىلاماقپىز. جاڭا شتامدارعا قارسى كۇرەسكە، زەرتتەۋلەرگە قارجىنى اياماۋ كەرەك»، – دەدى.
قازىر ەۋروپاداعى بىرقاتار ساياسي كۇش جانە كەي مەملەكەت ەۋروكوميسسيانىڭ ۆاكتسينالاۋ جونىندەگى ساياساتىن سىناپ وتىر. قازىرگى ساياسات اياسىندا، ۆاكتسينا ساتىپ الۋ مەن ۇلەستىرۋ ورتالىق سانالاتىن بريۋسسەل ارقىلى ءجۇرىپ وتىر. ال مەملەكەتتەردىڭ ەۋروكوميسسيانى اينالىپ ءوتىپ وزدىگىنەن ساتىپ الۋ مۇمكىندىگى شەكتەلىپ وتىر.
13 ناۋرىزدا اۆستريا، چەحيا، سلوۆەنيا، بولگاريا، حورۆاتيا جانە لاتۆيا ەلدەرى ەۋرووداقتىڭ توتەنشە ءسامميتىن وتكىزۋگە شاقىردى. ولاردىڭ سوزىنشە، قازىر ەۋرووداق مۇشەلەرى اراسىندا ۆاكتسينالاۋ جونىندە تەپە-تەڭدىك جوق. اتالعان ەلدەر سامميتتە وسى ماسەلە تالقىلانۋى ءتيىس دەيدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟