Aleksandr Lukaşenko jäne Vladimir Zelenskiy. Foto: eurasia.expert

Ukrainanıñ Wlttıq qauipsizdik jäne qorğanıs keñesi (WQK) Belarus' şeneunikteri men käsipkerlerine sankciyalar engizudi qarastıradı. Joğarı Rada deputatı Aleksey Gonçarenko prezident äkimşiligine osınday swrau hat joldağan.

Prezident Keñsesiniñ Gonçarenkonıñ swrauına bergen jauabında: «Belarus' Respublikasınıñ jekelegen azamattarına qatıstı şekteu şaraların (sankciyalar) engizu turalı deputattıq ötiniştiñ nätijeleri turalı habardar etu üşin Ukrainanıñ Wlttıq qauipsizdik jäne qorğanıs keñesiniñ apparatına wsınıs hat joldaymız»,  – delingen.

Sankciya Lukaşenko rejimin qoldaytın Belarus' azamattarına qarsı engizilui mümkin. Qara tizimde «Karpatzapadtrans» JŞS-niñ iesi, käsipker Nikolay Vorob'yan bar.

26 aqpanda Ukraina Ükimetinde Belarus' azamattarına qarsı sankciyalar engizu bastaması köterilgen. Deputtardıñ basım böligi «AQŞ pen Euroodaq Belarus'tegi ahualğa baylanıstı sankciya engizgende, Ukraina ünsiz qalmauı tiis. Ukraina adam qwqıqtarınıñ taptaluına qarsı», – deydi.

19 aqpanda Ukrainanıñ Wlttıq qauipsizdik jäne qorğanıs keñesi «Samara - Batıs bağıtı» qwbırınıñ böligin, sonday-aq otın tranzitine arnalğan «Prikarpatzapadtrans» mwnay qwbırın memlekettik menşikke qaytaru turalı şeşim qabıldadı. Ukrainalıq BAQ-tıñ habarlauınşa, onı Belarus' käsipkeri Nikolay Vorobey jäne Germaniya azamatı Anatoliy Şefer iemdenedi.

"The Qazaq Times"