Germaniya kancleri Angela Merkel'. Foto: VVS

Kancler Angela Merkel'diñ şeşimimen Germaniyada karantin merzimi 28 naurızğa deyin wzartıldı. Eger keyster azaysa, aymaqtarda karantin jeñildetiledi.

8 naurızdan keyin 100 mıñ twrğınğa şaqqanda nauqastar sanı 50 adamnan aspağan öñirlerde muzeyler, galereyalar, baqtar, kitap jäne gül satatın dükender, sonday-aq bau-baqşa zattarına arnalğan bazarlar aşıladı. Tek twtınuşılar keletinin aldın ala eskertui tiis. Sonımen qatar, 2 aptadan keyin COVID-19 uşıqpağan jağdayda teatrlar, koncert, opera zaldarına jäne kinoteatrlarğa baruğa rwqsat berilmek.

Angela Merkel': «Birneşe sağat talqılay kele toqtalğanımız – sayasatkerlerdiñ qazirgi mindeti aldağı uaqıtta aqılğa qonımdı qadamdar jasau. Äytpese, Europada biz sabaq alatın mısaldar jeterlik. Keybir elder qatelik jasap, indettiñ taraluınıñ üşinşi tolqınına wrındı. Mwnday qauip bizde de bar. Sondıqtan 2021 jıldıñ köktemi bıltırğı köktemnen jaqsı jağınan mülde özgeşe boluı kerek.», – deydi

Soñğı bir aptada koronavirustıñ britandıq ştamı tağı 5 elde tirkelgen. Qazir virustıñ bwl türi tabılğan elderdiñ qatarı 106-ğa jetse, oñtüstikafrikalıq ştam 56 memlekette tabılğan. Al braziliyalıq ştamm 29 elde tirkelgen.

Bwğan deyin Düniejüzilik densaulıq saqtau wyımı COVID-19-dıñ türlenui qalıptı jağday ekenin aytqan bolatın. Degenmen, bir aptanıñ işinde koronavirusqa şaldıqqandardıñ sanı bwğan deyingi kezeñmen salıstırğanda 7%-ğa artqan. İndet äsirese Europa elderinde, Oñtüstik Şığıs Aziya, Soltüstik jäne Oñtüstik Amerikada uşığıp twr.

"The Qazaq Times"