Foto: rbk

M'yanma prezidenti Vin M'inge Konstituciyanı bwzğanı üşin ayıp tağıldı. Reuters agenttiginiñ habarlauınşa ol üş jılğa bas bostandığınan ayırıladı.

8 qaraşada M'yanmada pandemiyanıñ ekinşi tolqını jäne osığan baylanıstı qoldanıstağı şekteuler ayasında parlamenttik saylau ötti. Nätijesinde Aun San Su Çji bastağan «Deemokratiya üşin wlttıq liga» bileuşi partiyası jeñip aldı. Atalğan partiyanıñ bastı bäsekelesi sanalatın äskeri ıntımaqtastıq jäne odaqtı damıtu partiyası el Parlamentinde eñ az orınğa ie boldı.

1 aqpanda M'yanma äskeri küşteri bir jılğa tötenşe jağday jariyaladı jäne prezident Vin M'in men memlekettik keñesşi Aun San Su Çjidi qızmetinen ayırdı. Äskeriler bıltır qaraşada ötken parlament saylauınıñ nätijesimen kelispegen edi. Bıltırğı saylauda Aung San Su Çji basqaratın Demokratiyaşılardıñ wlttıq ligası partiyası jeñimpaz dep tanılğan. Äskeriler saylau ädil ötpedi dep sanaydı. Memlekettik töñkeristen keyin äskeriler kabinet müşeleriniñ jañartılğan tizimin wsındı.

Oñtüstik Şığıs Aziya elin 50 jıldan astam basqarğan M'yanma qarulı küşteri 2015 jılı Aun San Su Çji bilikke kelgennen keyin de sayasi jäne ekonomikalıq ıqpalın saqtap qalğan.

2017 jılğa deyin M'yanmanıñ Rakhayn ştatında bir million rohindja mwsılmandarı ömir sürgen. Biraq halqınıñ basım böligi budda dinin wstanatın M'yanma olardı zañsız immigranttar dep, azamattıq beruden bas tartqan. Rohindjalar wzaq jıldar boyı qısım körip kele jatqandarına birneşe ret şağımdanğan.

Sol jılı rohindja äskerileri Rakhayn ştatında birneşe şabuıl wyımdastırğan. Sol jılı M'yanmanıñ Rakhayn ştatında äskeriler islam dinin wstanatın mıñdağan rohindjanı öltirgen. Aymaqtan 700 mıñnan astam rohindja M'yanmamen körşiles jatqan Bangladeşke qaşqan. El biligi Rakhayndağı äskerilerdiñ äreketin «el täuelsizdigine qauip töndiretin ekstremistermen küres» dep atadı. M'yanmanıñ bwl äreketi beybitşilik salası boyınşa Nobel' sıylığın alğan Aun San Su Çjidiñ de bedeline nwqsan keltirdi.

2019 jılı Afrikadağı Gambiya eli M'yanmanı «rohindja mwsılmandarına genocid jasadı» dep ayıptap, Gaagadağı sotqa şağımdandı. BWW Halıqaralıq tribunalı Ekinşi düniejüzilik soğıstan beri älemdegi üş oqiğanı – 1970 jılı Kambodjadağı memlekettik terrorizmdi, 1994 jılğı Ruandadağı oqiğanı, 1995 Bosniyadağı Srebrenica qırğının – genocid dep tanığan.

"The Qazaq Times"