Japarov astanağa keldi. Foto: Qırğızstan PA BQ.

Qırğızstan prezidenti Sadır Japarov bügin Qazaq elindegi resmi saparın bastadı. Qırğız prezidentin kütip aluğa QR SİM basşısı men energetika ministri jäne el orda äkimi Altay Kölginov şıqqan.

Japarovtıñ saparınan bwrın onıñ baspasöz qızmeti Qazaqstandağı memlekettik saparı kezinde QR prezidenti Qasım-Jomart Toqaev pen eks-prezident Nwrswltan Nazarbaev, mäjilis törağası N.Nığımatulin, ükimet basşısı A.Mäminmen kezdesetinin aytqan.

Japarov prezident qızmetine kiriskennen beri ekinşi ret şetelge saparlay şıqtı. Reseyge Putinniñ şaqıruımen barıp qaytqannan keyin alğaşqı resmi memlekettik saparın Qazaqstannan bastap otır. Japarov Qazaqstandağı resmi saparınıñ aldında eki eldiñ qarım-qatınası turalı pikirlerimen bölisip «QazInform»-ğa kölemdi swhbat bergeni bar. Onda ola eki el arasında şeşilmegen tüytkildi tüyinderdiñ joq ekenin, tek wsaq-tüyek mäseleler ğana ekenin, onıñ bärin dialog arqılı şeşip kele jatqanın aytıp ötken.

Japarov bügin prezident Toqaevpen kezdesedi. Kezdesude taraptar qazaq-qırğız arasındağı mämileni damıta tüsu bağıtında söylesetinin Japarovtıñ baspasöz qızmeti mälimdegen.

“The Qazaq Times”