Donal'd Tramp: Foto: eurosport.com

Donal'd Tramp Memleket basşısı qızmetinen ketkennen keyingi alğaşqı mälimdemesinde 2024 jılı ötetin prezidenttik saylauda bilik qaytadan respublikalıq partiyağa ötetinine senim bildirdi.

Aq üydiñ bwrınğı basşısı Orlandoda (Florida ştatı) ötken AQŞ konservativti toptarınıñ konferenciyasında öziniñ aldağı josparları men Baydenniñ sayasatı turalı pikir bildirdi. Bwl – respublikalıq partiyanıñ eñ ülken is-şaralarınıñ biri. Şarada partiyanıñ basımdıqtarı men bolaşaq bağıtı anıqtaladı.

Tramp şamamen bir jarım sağat söylep, mälimdemesiniñ basım böligin Baydendi sınauğa arnadı. Ol Baydendi el tarihındağı «Amerikanı soñğı orınğa qoyğan» eñ naşar prezident dep sipattadı. Eks-prezident jaña äkimşilikti köşi-qon mäselesin baqılaudı toqtatıp, birneşe kelissözderdiñ küşin joyğanı üşin sınğa aldı. Sonday-aq, Tramp öz äkimşiliginiñ aldın-ala jasağan pandemiyağa qarsı küres josparın Bayden tiimdi paydalandı jäne jaña soğıstar bastadı dep ayıptadı.

Prezidenttik qızmetinen ketkennen keyin birinşi ret mälimdeme jasağan Tramp amerikalıq BAQ-tıñ nazarın audardı. Jurnalisterdiñ jaña partiya qwru turalı saualına Tramp: «Bizde Respublikalıq partiya bar jäne ol bwrın-soñdı bolmağan jeñiske jetedi. 2024 jılı saylauda qaytadan köş bastaydı», – dep jauap berdi.

2024 jılı ötetin prezidenttik saylau jöninde Tramp: «Sol jılı Aq üy respublikalıq partiyanıñ ökiline ötedi. Demokrattar jeñilisti kötere aladı dep oylaymın. Onıñ kim ekeni bärimizge de qızıq», – dedi. Konferenciyağa deyin jürgizilgen saualnama boyınşa qatısuşılardıñ 68%-ı bwrınğı prezidenttiñ saylauğa qatısuına qoldau bildirse, 55%-ı Tramp respublikalıq partiya ökilderin saylauğa wsınsa dep sanaydı.

"The Qazaq Times"