Azattıq radiosınıñ tilşisi Qazis Toğızbaev 72 jasında Almatıdağı koronavirus auruhanasında qaytıs boldı.

Marqwmnan koronavirus 25 qañtarda anıqtalıp, auruhanağa jatqızılğan. Jurnalisti 22 aqpanda klinikadan şığarğanımen, keyin hali auırlap qayta auruhanağa jetkizilgen.

Ol 2008 jıldıñ qırküyeginen beri Azattıq radiosınıñ Qazaq qızmetinde tilşi retinde jwmıs istedi.

Zapastağı polkovnik Qazis Toğızbaev äskeri qızmetinen soñ jurnalistikağa, fotografiyağa bet bwrdı. Oppoziciyalıq «Söz» jäne «Azat» gazetterinde qızmet etti. kub.info saytında blog jürgizip, Almatı mañındağı Şañıraq audanınan jwrttı küştep köşiru jaylı fotoreportajdar jariyaladı.

2011 jılı jeltoqsanda ol Jañaözenge barıp, sol jaqtağı oqiğadan alğaş bolıp barğan jurnalist. Sol jılı jeltoqsanda bolğan Jañaözendegi mwnayşılar ereuilinde Qazis Toğızbaev Mañğıstau oblısınan ob'ektivti reportajdar taratıp, Jañaözende ne bolıp jatqanın der kezinde habarlap otırdı.

«The Qazaq Times» redakciyası Qazis Toğızbaevtıñ otbasına, tuıstarı men jaqındarına, Azattıq radiosı wjımına qayğırıp köñil aytadı.

"The Qazaq Times"