ازاتتىق راديوسىنىڭ ءتىلشىسى قازيس توعىزباەۆ 72 جاسىندا الماتىداعى كوروناۆيرۋس اۋرۋحاناسىندا قايتىس بولدى.

مارقۇمنان كوروناۆيرۋس 25 قاڭتاردا انىقتالىپ، اۋرۋحاناعا جاتقىزىلعان. ءجۋرناليستى 22 اقپاندا كلينيكادان شىعارعانىمەن، كەيىن ءحالى اۋىرلاپ قايتا اۋرۋحاناعا جەتكىزىلگەن.

ول 2008 جىلدىڭ قىركۇيەگىنەن بەرى ازاتتىق راديوسىنىڭ قازاق قىزمەتىندە ءتىلشى رەتىندە جۇمىس ىستەدى.

زاپاستاعى پولكوۆنيك قازيس توعىزباەۆ اسكەري قىزمەتىنەن سوڭ جۋرناليستيكاعا، فوتوگرافياعا بەت بۇردى. وپپوزيتسيالىق «ءسوز» جانە «ازات» گازەتتەرىندە قىزمەت ەتتى. kub.info سايتىندا بلوگ جۇرگىزىپ، الماتى ماڭىنداعى شاڭىراق اۋدانىنان جۇرتتى كۇشتەپ كوشىرۋ جايلى فوتورەپورتاجدار جاريالادى.

2011 جىلى جەلتوقساندا ول جاڭاوزەنگە بارىپ، سول جاقتاعى وقيعادان العاش بولىپ بارعان جۋرناليست. سول جىلى جەلتوقساندا بولعان جاڭاوزەندەگى مۇنايشىلار ەرەۋىلىندە قازيس توعىزباەۆ ماڭعىستاۋ وبلىسىنان وبەكتيۆتى رەپورتاجدار تاراتىپ، جاڭاوزەندە نە بولىپ جاتقانىن دەر كەزىندە حابارلاپ وتىردى.

«The Qazaq Times» رەداكتسياسى قازيس توعىزباەۆتىڭ وتباسىنا، تۋىستارى مەن جاقىندارىنا، ازاتتىق راديوسى ۇجىمىنا قايعىرىپ كوڭىل ايتادى.

"The Qazaq Times"