Irannıñ jıl basında sınaqtan ötkizgen zenittik zımıranı. Foto: FN

Iran öziniñ yadrolıq bağdarlamaları şoğırlanğan Natanz qalasınıñ üstinde zenittik zımıran wşırdı. Bwl turalı sol eldiñ memlekettik telearnaları habar tarattı.

Eldiñ memlekettik arnaları habarında, äue qorğanıs küşteri Natanz qalasınıñ keñistiginde jedel äreket etu boyınşa äue qorğanıs jattığuın jasap jatqanın aytqan.

Äleumettik jelilerde jergilikti twrğındar qattı jarılıs dauısın estigenin jazğan. Iran qarulı küşteriniñ baspasöz ökili Şahin Taqihani mälimdeme jasap: «Jattığu tolıqtay qauipsiz küyde ötkizildi, alañdauğa negiz joq», – dep tüsindirgen.

Degenmen, eldegi keybir aqparat qwraldarı Natanz qalasında ülken jarılıs bolğanın habarlağan edi, biraq oqiğağa qatıstı naqtı tüsinik beriligen joq.

Qarulı küşteri äue qorğanıs sınağı ötkizilgeni aytılğanımen, jergilikti twrğındar äleumettik jelide jarılıs qaupinen alañdağan pikirlerdi de jazdı.

The Qazaq Times