Säken Mwsaybekov ministr Aqtotı Rayımqwlovamen birge. Foto: internetelite.org

Mädeniet jäne sport vice-ministri Säken Mwsaybekov wstaldı dep habarladı derekközge süyengen QazTAG agenttigi.

«Mwsaybekovti Sıbaylas jemqorlıqpen küres is-qimıl agenttiginiñ qızmetkerleri wstadı. Ol qazir Almatıda tergeu amaldarına qatısıp jatır» dedi derekközi aqparat qwralına.

Jemqorlıqpen küres is-qimıl agenttiginiñ baspasöz qızmeti äzirge aqparatqa tüsinikteme bermedi. Bwğan deyin Telegramdağı Yedilov arnası da derekközge süyene otırıp, Mwsaybekovtiñ «jemqorlıq küdigine» ilingenin jazğan.

Mädeniet jäne sport ministrliginiñ resmi saytındağımälimetke säykes, Mwsaybekov sport salasına jauaptı bolğan.

53 jastağı Säken Mwsaybekov 2020 jıldıñ mamır ayında mädeniet jäne sport vice-ministri qızmetine tağayındalğan. Oğan deyin 2019 jıldıñ qañtar ayınan bastap Qazaqstan wlttıq olimpiada komitetiniñ bas hatşısı bolğan. Ol bwğan deyin de – 2015 jıldıñ aqpan ayı men 2019 jıldıñ qañtar ayları aralığında mädeniet jäne sport vice-ministri bolğan. Prem'er-ministr saytındağı aqparatqa säykes, «ötiniş boyınşa» qızmetinen bosağan.

Toqaev qol qoyğan «Memlekettik qızmet turalı» zañnıñ 60-babı 3-tarmağına say, sayasi qızmetşi sıbaylas jemqorlıq qılmısın jasasa, birinşi basşı otstavkağa ketuge arız jazuı tiis.

“The Qazaq Times”