پرەمەرا اپتالىعى: اۋەزوۆ تەاترىندا «وڭ قول» ساحنالاندى

مۇحتار اۋەزوۆ اتىنداعى ۇلتتىق دراما تەاترىندا پرەمەرالار اپتالىعى باستالدى. 18 اقپان تولەن ابدىكتىڭ «وڭ قول» اڭگىمەسىنىڭ جەلىسى بويىنشا ساحنالانعان حوررور دراما العاش رەت كورەرمەن نازارىنا ۇسىنىلدى.

قويىلىمعا وزەك بولعان يدەيا – ادام مەن قوعامداعى قايشىلىقتىڭ كورىنىسى. باستى كەيىپكەر المانىڭ ءتۇسى ارقىلى ادام ساناسىندا ۇزدىكسىز ءجۇرىپ جاتقان پروتسەستى، ۇرەي مەن قورقىنىشتى، ءومىر مەن ءولىم اراسىنداعى ارپالىستى، جان تولعانىسىن كوركەمدىكپەن جەتكىزە ءبىلدى.

باستى كەيىپكەر الما مەن دارىگەر جىگىت

ياعني الما بەينەسى – سول كەزەڭنىڭ، زاماننىڭ، ياعني سۇلۋلىق، ىزگىلىك، ۇيلەسىمدىلىك سەكىلدى قاسيەت-قۇبىلىستاردى وزىنە قاجەتسىز دەپ تانىپ، دەنەسىنەن سىعىپ تاستاعان قوعامنىڭ، وركەنيەتتىڭ ءوزىن-ءوزى تۇنشىقتىرۋى.  ال قويىلىمعا جينالعان كورەرمەننىڭ ساحناداعى كەيىپكەرلەرمەن بىرگە قۋانىپ، بىرگە قايعىرۋى – شىعارما سيۋجەتىن بەرۋدەگى شەبەرلىك.

باستى رولدەگى دارىگەر جىگىتتىڭ ءرولىن ش.ءپىرنازاروۆ، ك.بەيساگاليەۆ، الما – ي.مەڭدىباەۆا، ز. راحىمجان جانە قاريانى ا.سەيتمەتوۆ سومدادى.

قويىلىمنىڭ قويۋشى-رەجيسسەرى – ا.شاريپوۆ، قويۋشى-سۋرەتشى – ق.تۇستىكباەۆ، حورەوگراف – گ.مۋحامەدجانوۆا.

تەاتر ۇجىمىنىڭ ۇيلەسىمدى ەڭبەگى بۇل تۋىندىعا جاڭاشا دەم بەرىپ، كورەرمەندەردىڭ ىستىق ىقىلاسىنا بولەندى.

"The Qazaq Times"