Halıqaralıq ekspertter tobı Uhanda. Foto: Reyter.

Qıtay koronavirustıñ payda boluına qatıstı negizgi mälimetterdi Düniejüzilik Densaulıq saqtau wyımınıñ ekspertterine beruden bas tarttı. Halıqaralıq zertteu tobınıñ australiyalıq müşesi Dominik Duayer bwl turalı Reuters, The New York Times, The Wall Street Journal sındı ıqpaldı aqparat közderine swhbat bergen.

Bir apta bwrın Qıtaydıñ Uhan qalasında zertteu jürgizgen ekspertterdiñ halıqaralıq tobı koronavirustıñ oşağı labaratoriya bolmağan degen. Qorıtındı jasağan bolatın. Bwğan deyin Qıtay ükimeti Halıqaralıq zertteu tobınıñ jwmısına jan-jaqtı qoldau körsetuge kelisim bergen bolatın. Alayda, zertteuşilerdiñ aytuınşa, Qıtay ükimeti virusqa şaldıqqan alğaşqı nauqastar turalı mälimetterdi jasırıp otır.

DDSW jibergen ekspertter Qıtay ükimetinen virus alğaş tabılğan kezdegi alğaşqı 174 nauqasqa qatıstı derekterdi berudi talap etken. Alayda, Qıtay biligi bwl derekterdi bermey otır. Professor Duayerdiñ aytuınşa alğaşqı 174 nauqastıñ jartısınan köbi Uhandağı atı şulı bazarda bolmağandar, sondıqtan olar turalı tereñirek zerteu asa mañızdı.

Qıtay ükimeti DDSW zertteu tobımen tolıq ıntımaqtastıqta ekenine sendiruge tırısadı. Alayda, zertteu tobına virustıñ payda boluına qatıstı mañızdı mälimetterdi ne üşin bermey otırğanı tüsiniksiz.

Jahandıq pandemiyağa alıp kelgen koronavirus 2019 jıldıñ soñına tarta Qıtaydıñ Uhan qalasında alğaş belgili bolğan bolatın. Sodan beri qauipti dertke älemde 103 millionnan astam adam şaldığıp, onıñ 2,3 millionı qaza taptı. Pandemiya alıp kelgen dağdarıstan köptegen elderdiñ ekonomikası dağdarısqa wşırap, jahandıq ekonomikalıq damu keri ketti.

“The Qazaq Times”