قىتاي ۇكىمەتى كوروناۆيرۋستىڭ شىعۋىنا قاتىستى ماڭىزدى دەرەكتەردى جاسىرۋدا

قىتاي كوروناۆيرۋستىڭ پايدا بولۋىنا قاتىستى نەگىزگى مالىمەتتەردى دۇنيەجۇزىلىك دەنساۋلىق ساقتاۋ ۇيىمىنىڭ ەكسپەرتتەرىنە بەرۋدەن باس تارتتى. حالىقارالىق زەرتتەۋ توبىنىڭ اۋستراليالىق مۇشەسى دومينيك دۋايەر بۇل تۋرالى Reuters, The New York Times, The Wall Street Journal سىندى ىقپالدى اقپارات كوزدەرىنە سۇحبات بەرگەن.

ءبىر اپتا بۇرىن قىتايدىڭ ۋحان قالاسىندا زەرتتەۋ جۇرگىزگەن ەكسپەرتتەردىڭ حالىقارالىق توبى كوروناۆيرۋستىڭ وشاعى لاباراتوريا بولماعان دەگەن. قورىتىندى جاساعان بولاتىن. بۇعان دەيىن قىتاي ۇكىمەتى حالىقارالىق زەرتتەۋ توبىنىڭ جۇمىسىنا جان-جاقتى قولداۋ كورسەتۋگە كەلىسىم بەرگەن بولاتىن. الايدا، زەرتتەۋشىلەردىڭ ايتۋىنشا، قىتاي ۇكىمەتى ۆيرۋسقا شالدىققان العاشقى ناۋقاستار تۋرالى مالىمەتتەردى جاسىرىپ وتىر.

ددسۇ جىبەرگەن ەكسپەرتتەر قىتاي ۇكىمەتىنەن ۆيرۋس العاش تابىلعان كەزدەگى العاشقى 174 ناۋقاسقا قاتىستى دەرەكتەردى بەرۋدى تالاپ ەتكەن. الايدا، قىتاي بيلىگى بۇل دەرەكتەردى بەرمەي وتىر. پروفەسسور دۋايەردىڭ ايتۋىنشا العاشقى 174 ناۋقاستىڭ جارتىسىنان كوبى ۋحانداعى اتى شۋلى بازاردا بولماعاندار، سوندىقتان ولار تۋرالى تەرەڭىرەك زەرتەۋ اسا ماڭىزدى.

قىتاي ۇكىمەتى ددسۇ زەرتتەۋ توبىمەن تولىق ىنتىماقتاستىقتا ەكەنىنە سەندىرۋگە تىرىسادى. الايدا، زەرتتەۋ توبىنا ۆيرۋستىڭ پايدا بولۋىنا قاتىستى ماڭىزدى مالىمەتتەردى نە ءۇشىن بەرمەي وتىرعانى تۇسىنىكسىز.

جاھاندىق پاندەمياعا الىپ كەلگەن كوروناۆيرۋس 2019 جىلدىڭ سوڭىنا تارتا قىتايدىڭ ۋحان قالاسىندا العاش بەلگىلى بولعان بولاتىن. سودان بەرى قاۋىپتى دەرتكە الەمدە 103 ميلليوننان استام ادام شالدىعىپ، ونىڭ 2,3 ميلليونى قازا تاپتى. پاندەميا الىپ كەلگەن داعدارىستان كوپتەگەن ەلدەردىڭ ەكونوميكاسى داعدارىسقا ۇشىراپ، جاھاندىق ەكونوميكالىق دامۋ كەرى كەتتى.

“The Qazaq Times”