Nazarbaevtar äuletiniñ qwdası, belgili oligarh Qayrat Boranbaev pen tağı birqatar käsipker ielik etetin, vakcina öndiretin Qarağandı farmacevtikalıq keşeniniñ alğaşqı partiyası. Foto: aşıq derekköz

Reseylik «Sputnik V» vakcinasınıñ Qazaqstan aumağında öndiriletin «Gam-KOVID-Vak» nwsqası 1 aqpannan bastap egilip jatqanına qaramastan memlekettik tirkeuden endi ötti.

Qarağandı farmacevtikalıq keşeniniñ baspasöz qızmeti habarlağanday, ötken senbide 13 aqpan Densaulıq saqtau ministrliginiñ Saraptama wyımı vakcinanıñ qauipsizdigi, sapası men tiimdiligi turalı qorıtındığa kelgen.

Qazirdiñ özinde mıñdağan mamanğa egilgen vakcinanıñ tirkeu kuäligin aluğa ministrliktiñ Medicinalıq jäne farmacevtikalıq baqılau komitetine ötinim joldanğan. Demek eki apta bwrın bastalğan ekpe nauqanı resmi jürgizilgen.

Käsiporınnıñ dereginşe, Qazaqstan – «Sputnik-V» vakcinasın qoldanudı maqwldağan 27-şi el. Tizimde Kreml'diñ baylanısı men ıqpalı bar Belarus', Boliviya, Serbiya, Aljir, Palestina, Türkmenstan, Vengriya, BAÄ, Iran, Armeniya jäne Moñğoliya siyaqtı memleketterde tirkelgen.

Ükimet QFK aqpannıñ soñına deyin öñirlerge «Sputnik V» vakcinasınıñ 90 mıñ dozasın jetkizetinin mälimdedi. Reseyden äkelingen şikizat negizinde ekpe öndiretin farma-keşenniñ ieleriniñ biri Qazaqstandı 30 jılday bilegen Nazarbaevtardıñ qwdası bolğan belgili oligarh Qayrat Boranbaev. 15 mlrd teñge qarjı qarastırılğan öndiris ornı özin «biotehnologiyalıq preparattar öndirisine mamandandırılğan QR-dağı alğaşqı jäne äzirge jalğız farmacevtikalıq zauıt» dep sipattaydı. Boranbaev ta vakcina öndiru mümkindiginiñ ielenu sebebi osı ekenin jäne bwğan qoljetkizude Nazarbaevtar äuletimen tuıtığınıñ eş qatısı joğın aytadı.

"The Qazaq Times"