Päkistannıñ şaqıruımen älemniñ teñizge şektesetin 45 eli qatısatın AMAN-2021 äskeri oqu-jattığuları Arab teñizinde bastaldı. Kezekti jattığuğa NATO qwramındağı AQŞ, Britan, Türkiya sekildi elder men Resey jäne Qıtay bir uaqıtta qatıspaq. Bwl soñğı on jıldağı Reseydiñ alğaş ret NATO müşelerimen ortaq äskeri jattığuğa qatısuı. 

Päkitsan wyımdastırğan bwl jattığudıñ wranı "Beybitşilik üşin ıntımaq" dep ataladı. Ötken aptada Päkistan Wlttıq qorğanıs ministrligi mälimdeme taratıp, atalğan köpwlttı äskeri jattığu damuı men wlttıq müddeleri teñizben tığız baylanıstı elderdiñ teñiz tasımal qauipsizdigi, territoriyalıq qauipsizdigin, sonday-aq terrorizmge qarsı küres tebinin arttıruğa mümkindik beretinin aytqan.

Atalğan jattığu köp jıldan beri wyımdastırılıp keledi. Oğan Ündi mwhitı men Alant mwhitına şektesetin birqatar afrikalıq elderde qatısıp keledi. Kezekti jattığu Arab teñiziniñ şığısı men soltüstik aydındarında bir aptağa sozılmaq.

Täuelsiz sarapşılardıñ pikirinşe, ekonomikalıq, industiyalıq damuı Qıtay investiciyasına köbirek süyenetin Päkistan bwl jattığu arqılı Qıtaydıñ teñizdegi müddesin qamtamasız etuine mümkindik bermek.

“The Qazaq Times”