45 ەلدىڭ اسكەري تەڭىز كۇشتەرى باس قوستى. فوتو: Dawn.

پاكىستاننىڭ شاقىرۋىمەن الەمنىڭ تەڭىزگە شەكتەسەتىن 45 ەلى قاتىساتىن AMAN-2021 اسكەري وقۋ-جاتتىعۋلارى اراب تەڭىزىندە باستالدى. كەزەكتى جاتتىعۋعا ناتو قۇرامىنداعى اقش، بريتان، تۇركيا سەكىلدى ەلدەر مەن رەسەي جانە قىتاي ءبىر ۋاقىتتا قاتىسپاق. بۇل سوڭعى ون جىلداعى رەسەيدىڭ العاش رەت ناتو مۇشەلەرىمەن ورتاق اسكەري جاتتىعۋعا قاتىسۋى. 

پاكىتسان ۇيىمداستىرعان بۇل جاتتىعۋدىڭ ۇرانى "بەيبىتشىلىك ءۇشىن ىنتىماق" دەپ اتالادى. وتكەن اپتادا پاكىستان ۇلتتىق قورعانىس مينيسترلىگى مالىمدەمە تاراتىپ، اتالعان كوپۇلتتى اسكەري جاتتىعۋ دامۋى مەن ۇلتتىق مۇددەلەرى تەڭىزبەن تىعىز بايلانىستى ەلدەردىڭ تەڭىز تاسىمال قاۋىپسىزدىگى، تەرريتوريالىق قاۋىپسىزدىگىن، سونداي-اق تەرروريزمگە قارسى كۇرەس تەبىنىن ارتتىرۋعا مۇمكىندىك بەرەتىنىن ايتقان.

اتالعان جاتتىعۋ كوپ جىلدان بەرى ۇيىمداستىرىلىپ كەلەدى. وعان ءۇندى مۇحيتى مەن الانت مۇحيتىنا شەكتەسەتىن بىرقاتار افريكالىق ەلدەردە قاتىسىپ كەلەدى. كەزەكتى جاتتىعۋ اراب تەڭىزىنىڭ شىعىسى مەن سولتۇستىك ايدىندارىندا ءبىر اپتاعا سوزىلماق.

تاۋەلسىز ساراپشىلاردىڭ پىكىرىنشە، ەكونوميكالىق، يندۋستيالىق دامۋى قىتاي ينۆەستيتسياسىنا كوبىرەك سۇيەنەتىن پاكىستان بۇل جاتتىعۋ ارقىلى قىتايدىڭ تەڭىزدەگى مۇددەسىن قامتاماسىز ەتۋىنە مۇمكىندىك بەرمەك.

“The Qazaq Times”