Koronavirustıñ mutaciyağa wşırağan basqa türi (V1525) birneşe elde tirkeldi. Olardıñ qatarında AQŞ, Wlıbritaniya, Franciya, Daniya, Nigeriya, Avstraliya jäne Iordaniya bar.

The Guardian mälimetinşe, jaña ştamnıñ braziliyalıq jäne oñtüstikafrikalıq virusqa tän qaupti blgileri bar. Edinburg zertteuşileri bwl dert antidenege de tözimdi ekenin anıqtağan. Endi Europa elderiniñ densaulıq saqtau qızmetteri ekpe jwmısın küşeytuge şaqırıp otır. Bwl indetti tezdetip baqılauğa aluğa mümkindik beredi deydi sarapşılar.

Euroodaqta 453 millionnan astam halıq twradı. Äzirge 8,5 million adamğa ekpe salınğan. Olar negizinen – därigerler, äleumettik qızmetker jäne egde jastağılar. Pandemiya bastalğalı Euroodaq elderinde 19 millionğa juıq adam koronaviruspen auırıp, 450 mıñ adam köz jwmğan.

Bıltır jeltoqsanda därigerler Wlıbritaniyadan SARS-CoV-2 koronavirusınıñ äldeqayda tez taraytın jaña mutaciyasın taptı. Därigerlerdiñ aytuınşa, koronavirustıñ jaña türiniñ jwğu jıldamdığı 70%-ğa joğarı. Äzirge onıñ auru forması men ölim körsetkişi boyınşa qauipti ekenine qatıstı derek joq. 2020 jıldıñ qazan ayında Oñtüstik Afrika Respublikasında 501.V2 ştamı bar basqa mutaciya tabılğan. Qazir koronavirustıñ bwl türi Oñtüstik Afrikada keñ taralıp jatır.

Resmi mälimetter boyınşa, Europa men AQŞ-ta ekpe retinde qoldanıla bastağan «RNK-ekpelerdiñ» bir artıqşılığı bar, yağni, kompaniyalar ekpeniñ kömegimen tüzilgen antideneler qajet bolğan jağdayda virustıñ jaña ştamdarına oñay beyimdele aladı dep sendirip otır.

"The Qazaq Times"